Romë, Itali, 14 Qershor 2013 – Orial Kolaj ka vazhduar me fitore, ku kësaj radhe ka nakautuar gjeorgjianin Paata Aduashvili në raundin e dytë. Kolaj filloi furishëm që nga raundi i parë ku me disa goditje të forta i tregoi kundërshtarit Aduashivili se do ta ketë të vështirë. Ky raund i takoi Kolaj ku ishte dominues.
Në raundin e dytë sërish Kolaj ishte vetëmohues duke grushtuar disa herë mjaft fortë gjeorgjianin dhe duke e lodhur. Fundi i kësaj përballje erdhi nga gjysma e raundit të dytë kur Kolaj goditi fuqishëm me të majtën e tij në plexus duke e përfunduar këtë meç me nakaut.  Lexo më shumë… →

Vetëm disa ditë pasi kishte përfunduar dueli i vlefshën ndërmjet Marco Huck dhe Ola Afolabi për titullin e kampionit botëror në versionin WBO në kategorinë kruzer, dy ditë më parë është finalizuar marrëveshja për përballjen tjetër të këtij versioni. Huck i cili fitoi betejën me Afolabi, tashmë do të matë forcat me Arslan. Ky duel do të zhvillohet me 14 Shtator në Hans Martin Schlayer në Stutgart. Kjo do të jetë përballja e dytë ndërmjet Huck dhe Arslan. Ata i kryqëzuan dorëzat në nëntor të vitit të kaluar ku Huck u shpallë fitues pas 12-raundeve që ishte skandali më i madh i vitit të kaluar në boksin profesionist. Arslan i cili fitoi thuajse çdo raund ku fitorja e tij shihej edhe nga “Aeroplani” ai në fund u dëmtua rëndë nga gjyqëtarët. Pas këtij vendimi skandaloz, versioni WBO i dha ultimatum ekipit Saurland për ti dhënë revanshin Arslanit. Tashmë kjo do të finalizohet në fillimin e vjeshtës. Lexo më shumë… →

Haxhi Krasniqi kërkon sa më parë të ketë revanshin me Nathan Cleverly-n 

Prishtinë, 13 Qershor 2013 – Boksieri ynë Haxhi Krasniqi do ti kthehet ringut me 13 Korrik. Krasniqi do të zhvillojë duelin parameç të kampionit aktual botëror në kategorinë super të mesme në versionin WBO, Robert Stiegltiz i cili do të mbrojë titullin kundër japonezit Yuzo Kiyota në Dresden të Gjermanisë.

Krasniqi i cili pësoi në luftën për titull bote në Londër kundër vellsianit Nathan Cleverly, do të kërkoj fitoren e re. Krasniqi me humbjen në sfidën për titull është rënë në pozitën e 8-të në versionin WBO.

Kosova Boxing kontaktoi boksierin tonë me të cilin bashkëbiseduam për planet për të ardhmen. Krasniqi nuk fshehu dhe u shprehë ekskluzivisht për ne.

Kosova Boxing: Dje në mediat gjermane është theksuar se ju do të paraqiteni në parameç të Stieglitz dhe japonezit Kiyota në Dresden me 13 Korrik?

Haxhi Krasniqi: Po, është vërtetë. Do të zhvilloj një parameç ku ende nuk jam i njoftuar se a do të boksoj në 8 apo 10 raunde? Lexo më shumë… →

Pallati i Rinisë, Prishtinë, 12 Qershor 2013 – Boksieri i klubit të boksit Prishtina, Arian Gashi është zgjedhur boksieri më i mirë i turneut “Qershori i Lirisë’. Ky turne  është mbajtur për herë të tretë radhazi dhe ka fituar respekt duke u futur në kalendarin e FboxK-së. Por, ndryshe nga viti i parë kur ky turne startoi me një nivel të lartë ku ishte ndërkombëtar, këtë vit dhe vitin e kaluar turneu ishte i zbehur me boksier vendorë. Ndoshta zyrtarët komunal dhe drejtuesit e klubit të boksit të Prishtinës duhet të bëjnë më shumë, sepse K.B. Prishtina si klubi më i madh i Kosovës dhe ndoshta i rajonit meriton të ketë një turne të madhë. Lexo më shumë… →

Boksieri ynë nga Durrësi, Suat Laze do të përballet me italianin Benoit Manno me 21 Qershor. Ky duel do të zhvillohet në Torino të Italisë dhe do të jetë në 6 raunde.

Italiani Manno deri më tani ka zhvilluar 12 meçe profesioniste duke shënuar 11 fitore (2 KO) dhe ka pësuar vetëm një humbje. Manno ka fituar dy herë kurorën e më të mirit në Itali në vitin 2011 dhe 2012. Ndërsa boksieri ynë Laze ka shumë më shumë përvojë se italiani ku ka zhvilluar 26 meçe profesioniste duke shënuar 20 fitore (6 KO) dhe ka pësuar katër herë dhe ka një barazim.

Laze do të synoj fitoren e 21-të në Torino. Ai për Kosova Boxing u shpreh: “Do të udhëtoj në Torino për fitore. Ai është kampion i Italisë, por unë jam boksier më cilësor se ai. Do të mundohem të fitoj para kohe pasi boksoj në qytetin e tij. Lexo më shumë… →

Luxemburg, 8 Qershor 2013 – Nysret Sopaj ka humbur duelin për titullin e Luxemburgut mbrëmë ndaj boksierit nga Gaboni, Taylor Mabika me vendim unanim. Dueli ishte i vlefshëm për titullin e Luxemburgut ku ndryshe nga vendet tjera ku duelet për titull të një shteti zhvillohen në 10 raunde, në Luxemburg mbahen në 8 raunde.

Dueli kishte qenë mjaft interesant, por për një nuancë Mabika kishte qenë më i mirë ku fitoi me meritë. Sopaj ishte përgatitur mjaft shumë për këtë meç, deri sa përvoja ishte në anën e Mabika në momente vendimtare. Pas raundit të tetë gjyqëtarët shpallën fitues Mabika me vendim unanim. Lexo më shumë… →

Paralajmëron edhe Firat Arslanin

Berlin, 8 Qershor 2013 – Në palestrën e stërmbushur Max Schmelling në Berlin, Marco Huck ka arritur të fitoj përballjen e tretë kundër britanikut Ola Afolabi. Të tre përballjet e tyre kanë qenë të ngushta ku Huck gjithmonë është favorizuar nga gjyqëtarët. Edhe kësaj radhe Huck u vlerësua fitues ku dy gjyqëtar i dhanë fitoren me 117-111, 115-113 dhe i treti barazim 114-114. Lexo më shumë… →

Minsk, Bjellorusi, 6 Qershor 2013 – Boksieri i vetëm shqiptar në kampionation evropian që garonte për Gjermaninë, Kastriot Sopa është eliminuar në meçin çerekfinal ndaj vendasit nga Bjellorusia, Vazgen Safaryants. Sipas gjyqëtarëve të tre raundet i takuan bjellorusi Safaryants ku në fund doli fitues me rezultat 3 me 0.

Sopa sikur se në “World Series Boxing” të cilin la përshtypje të mirë me dy fitore dhe një humbje, dhe nga kampionati evropian largohet me kokë lartësi duke treguar se ky djalosh ka të ardhme. Ai është vetëm 20-vjeçar dhe deri më tani ka arritur disa rezultate kulminante. Lexo më shumë… →