Pas polemikave të shumta për meçin e parë të zhvilluar në nëntor të vitit të kaluar ndërmjet Andre Ward dhe Sergey Kovalev, mbrëmë kjo u qartësua me një fitore tjetër me ndërprerje nga kampioni në fuqi në kategorinë gjysëm të rënd Andre Ward, i cili mposhti rusin Kovalev me nakaut teknik në raund të tetë. 

Me këtë fitore Ward (32-0, 16 KO) mbrojti treshën e titujve botërore, WBA, IBF dhe WBO, duke vërtetuar se është njëri ndër boksierët më të mirë i të gjitha kohërave. 

Kjo fitore njëherit ishte fitorja më e ëmbël e karrierës për Ward, pas asaj që ishte me kundërshtime dhe pa shije e nëntorit të kaluar. Megjithatë kjo sonte nuk pati kundërshtime. 

Deri para mbylljes së këtij meçi Ward kishte një përparsi të vogël të pikëve ku mund të gjykojmë se ishte para gjysmë apo një raund para, ku sipas poentimit tonë Ward udhëhiqte me 67-66. Por, çdo dilemë e mbylli në të raundin e tetë kur edhe e ndërpreu meçin. Goditjet në trup nga Ward dhe një e djathtë në mjekër dërgoi Kovalevin duke ngatërruar me litarë ku bëri që ai të dorëzohet. 

Kovalev (30-2-1, 26 KO) u rrahë keq duke u lënë në dhimbje, duke u ndalur dhe duke mos qenë në gjendje të mbrohet, gjë që e la arbitrin Tony Weeks për vetëm një zgjedhje, atë të ndalojë luftën pa numërim.  Continue reading →

Rittal Arena, Essen, Gjermani, 17 qershor 2017 – Albon Pervizaj ka shënuar fitoren e radhës në boksin profesionist, të tretën në karrierën e tij, në po aq meçe.

Talenti 21-vjeçar u paraqitë këtë fundjavë në Essen të Gjermanisë ku përballë pati serbin, Dusan Krstiç (7-8-0, 2 KO) duke e mposhtur me nakaut teknikë në raund të dytë.

Krstiç një boksier cilësor, nuk ka përvojë të mirë me shqiptarët. Ai edhe në vitin 2016 u mposht nga boksieri ynë i mirënjohur Nuri Seferi, me nakaut në raund të gjashtë.

Pervizaj (3-0, 3 KO) debutoi në boksin profesionist në mars të këtij viti ku në meçin debutes mposhti bjellorusin Artsiom Charniakevich me nakaut teknik në raund të parë. Meçin e dytë profesionist e zhvilloi në muajin prill në Sofje të Bullgarisë ku përballë pati serbin Lazar Stojanoviç duke e mposhtur me nakaut teknikë në raund të dytë. Dhe fitorja e tretë vjen mbrenda katër muajve ku edhe kësaj radhe viktimë ishte një tjetër boksier serb, Dusan Krstiç. Continue reading →

Mandalay Bay Hotel & Casino, Las Vegas, SHBA, 17 qershor 2017 – Amerikani Andre Ward (32-0-0, 16 KO) ka arritur të mposht sërish rusin Sergey Kovalev (30-2-1, 26 KO). Ndryshe nga hera e parë kur Ward arriti fitore me vendim unanim, kësaj radhe Ward arriti të triumfoj me nakaut teknik në raund të tetë.  Continue reading →

Artan Vërbica
17 qershor 2017

Kampioni apsolut i botës (WBA, IBF dhe WBO) në kategorinë gjysëm të rënd, Andre Ward (31-0, 15 KO) dhe ish-kampioni i botës, sfiduesi Sergey Kovalev (30-1-1, 26 KO) kanë zhvilluar matjet zyrtare mbrëmë me kohën amerikane, ku të dytë kanë dal në peshë të njejtë, 79. 300 kg.

Sikur se në konferencë për gazetar një ditë para, ashtu edhe në matje zyrtare Kovalev dukej mjaft i irrituar nga humbja e fundit nga Ward vitin e kaluar, ku dukej që dëshiron që sa më parë ti qiroj hesapet me të pamposhturin, Andre Ward. Ndërsa, Ward dukej i qetë dhe i relaksuar, i matur, ndonëse kjo edhe mund të jetë pjesa e qëlluar e triumfit. Por, gjithçka jetë e hapur dhe do të mësohet të shtunën se cili është kampioni i vërtetë.

Sipas një analize të shkurtë dueli duket të jetë i paparashikueshëm me shanca për dy boksierët. Siç e cekëm edhe më lartë Kovalev do të mundohet të fitoj me nakaut duke dëshiruar ti tregoj të gjithëve se fitorja e parë e Ward-it ishte kontraverze dhe unë jam më i miri në këtë kategori. Në tjetrën anë është Ward, me dorën e tij të majtë të kobrës që ka mposhtur gjithë boksierët më të mirë të kohës që do të kërkoj të përsërisë triumfin e tij.  Continue reading →

Një lajm i hidhur është kumtuar dje në mediet gjermane, ku ish-boksieri gjerman Rene Monse ka ndërruar jetë në moshën 48-vjeçare.

Sipas medieve gjermane Monse vuante nga kanceri. 

Monse ishte i njohur për opinionin tonë pasi boksoi disa herë me ikonën e boksit tonë Luan Krasniqi, në boksin olimpik dhe atë profesionist. 

Krasniqi e pat mposhtur Monsen në boksin olimpik, ndërsa që edhe në boksin profesionist ishe më i dalluar duke e mposhtur dy herë. Me 2002 boksuan për titullin vakant të kampionit të evropës ku Krasniqi fitoi me vendim unanim pas 12 raundeve. Dy vite më pas me 2004, Krasniqi riktheu titullin e kampionit evropian duke mposhtur turkun Sinan Samil Sam. Ai mbrojten e parë të titullit evropian ia dha rastin Monses që ta ketë atë për kundërshtar. Për herë të dytë Krasniqi ishte edhe më i suksesshëm se Monse, duke e mposhtur me ndërprerje në raundin e shtatë.  Continue reading →

Kampioni Olimpik në kategorinë super të rënd nga “Rio De Janiero 2016”, Tony Yoka në fundjavën e kaluar debutoi në boksin prfesionist duke shënuar fitore me nakaut teknik në raund të dytë. 

Yoka përballë pati amerikanin Travis Clark i cili ishte i pamposhtur me bilanc prej 12 meçe, 12 fitore (8 KO). Kjo ishte humbja e parë për Clark.

Ky meç u pritë që do të ishte me sfidues duke ditur se Yoka është favoritë, por që amerikani Clark ishte i frikësuar dhe tregoi shumë pak, sigurisht nga ajo që kishte ndëgjuar për franqezin. Gjithsesi shikuesit panë pak, panë vetëm Yoka-n i cili në raundin e dytë arriti të fitoj me KO me një goditje të fuqishmë në nofull që i dha fund takimit.  Continue reading →

Deri sa të gjithë ishin në pritje që do të caktohet data e përballjes ndërmjet kampionit në fuqi të WBO-së, Giberto Ramirez dhe Arthur Abraham, kjo përballje duhet të presë apo nuk do të zhvillohet asnjëherë, sepse mandatori kryesor i versionit WBO, Arthur Abraham pranoi një ofertë tjetër që ballafaqimi i radhës të jetë kundër britanikut Chris Eubank Jr.

Nuk i dijmë arsyet, do ti mësojmë më vonë, por tani kjo pjesë e tyre është gjithçka zyrtare dhe dueli i tyre do të zhvillohet me 15 korrik në stadiumin Wembley. Continue reading →

Artan Vërbica
7 qershor 2017

Viti 2017 shënon ndër vitet më të mira të kësaj dekade sa i përket meçeve të boksit që u zhviluan dhe që do të zhvillohen. Ky vit rikthen boksin në pedistialin më të madh aty ku e kishte vendin si njëri ndër sportet më madha në botë si nga ana e shikueshmërisë, asaj spektakulare, poashtu edhe nga ana profitabile dhe financiare duke bërë sërish boksin ndër sportet më me influencë në botë.

Ishim dëshmitar të meçit të 29 prillit ndërmjet Anthony Joshuas dhe Wladimir Klitschkos, meç i cili dha spektakël duke mbledhur 90.000 spektator në stadiumin “Wembly” në Londër. Ky meç ishte edhe profitabil për gjithë pjesëmarrësit duke kaluar shifrën 100 milionshe, ndërsa dy boksierët fituan (Joshua dhe Klitschko) 35 milion funta, vetëm nga kontrata pa llogaritur edhe shumën tjetër të fituar nga “Pay-Per-View” që nuk u bë publikë për opinionin, por që mendohet që të dytë morën më së paku nga 25 milion secili.

Ky meç njëherit theu rekordin më të madh sa i përket shimueshmërisë të zhvilluar deri më tani të boksit profesionist për gjatë historisë 135-vjeçare. I gjithë ky atribut i takon vetëm Anthony Joshuas, ai mund të jetë boksieri më i famshëm pas dy të mëdhenjëve, Muhammed Ali dhe Mike Tyson, që bërën boksin numër një në botë, në vitet e tyre të arta. Joshua pas më shumë se 40-vite arrinë të mbledh një numër rekord shikuesish në një meç aq madhështor siç ishte ai i zhvilluar me 29 prill në Wembly të Londrës.

Përmbi 50.000 shikues vetëm disa boksier gjatë shekullit të kaluar kanë arritur ti mbledhin në një tempull, si Jack Dempsey me 1921 në New Jersey ku pati 80.000 shikues. Në Evropë ishte Ingemar Johansson me 1962 që mblodhi 55.000 shikues. Me 1974 ishte Muhammed Ali dhe George Forman që mblodhën 60.000 shikues në Zairë të Afrikës, etj. Pra, u deshtën të kalojnë plot 43 vite që një boksier të arrijë të thyejë të gjitha rekordet botërore sa i përket shikueshmërisë në një tempull, e ky është Anthony Joshua, që duhet ti pranohet që ka kthyer boksin aty ku e ka vendin. Gjithçka mund të theksojmë, por prania e 90.000 shikuesve është fakt që nuk kërkon dilemë. Continue reading →