Alekseev dhe Arslan ndahen me barazim
1 min readKampioni evropian Alexander Alekseev 23-2-1 (20 KO) dhe ish-kampioni botëror Firat Arslan 32-5-2 (21 KO), janë ndarë me barazim sonte në betejën për titull të kampionit evropian EBU, edhe WBO Intercontinental. Arslan, 41-vjeçar boksoi në mënyrën më të mirë duke treguar formë mjaft të mirë. Ai ia arriti t`ia imponon meçin dhe ishte mjaft agresiv gjatë gjithë kohës. Ndërsa Alekseev edhe pse 10-vjet më i ri, nuk arriti të shfrytëzoj moshën e tij më të re, gjatësinë dhe direktet e tij.
Ky duel u transmetua në televizionin sportiv evropian, Eurosport. Komentatori britanik gjatë gjithë kohës lavdëronte Arslanin duke cituar, se Arslan 41-vjeçar po bokson si një tinejxher, e jo me këtë moshë. Por, kjo tregon se puna, vullneti e bën të vetën dhe me të vërtet Arslan ishte superior sonte, dhe barazimi ishte i pamerituar për te.
Dueli zgjati 12 raunde të forta, ndërsa dy gjyqëtarë meçin e vlerësuan me 114-114, ndërsa njëri ishte për Alekseev 116-113. Të mendimit shumë adhurues ishin se Arslan ishte më i mirë, por gjykimi i fundit mbetet i gjyqëtarëve.
I pranishëm në këtë mbrëmje ishte edhe Luan Krasniqi, i cili në çdo meç gjendet në përkrahje të Arslan. Në parameç të këtij dueli, debutoj Butrint Rama i cili shënoi fitoren e parë në boksin profesionist.
Artan Vërbica
11 Maj 2012