Të shtunden turneu tradicional “Lah Nimani”

Këtë të shtunde me 29 Maj do të mbahet turneu i tretë tradicional i trainerit, legjendës së boksit  Lah Nimani. Turneu edhe kësaj radhe do të mbështet nga Federata e boksit të Kosovës dhe Ministrisë së Sporteve. Turneu ndryshe nga vitet e kaluara që ka qenë vetem për junior, këtë vit do të ketë ndryshim, ku do të zhvillohen katër duele në konkurrencën e seniorëve, katër në konkurrencën e juniorëve dhe dy në konkurrencën për femra. Pra do të jenë gjithësej 10-duele. Edhe kësaj radhe federata e boksit është munduar ta madhështoj vepren e trainerit legjendar Lah Nimani duke ftuar disa shtete të rajonit si, Shqëperia, Bosnja e Hercegovina, Kroacia, Mali i Zi, Cekia, Maqedonia dhe disa boksier nga Novi Pazari dhe Presheva. “Do të bëjmë këtë përzirje për hirë të rritjes së së cilësisë” theksoi sekretari i FboxK -së, Mehmet Bogujevci për Kosovaboxing.org.

Turneu do të mbahet në Pallatin e rinisë së Sporteve në Prishtinë dhe do të filloj nga ora 15:00. Turneu do të emitohet drejtpërdrejt në televizionin publik të Kosovës RTK në rrjetin tokësor dhe satelitor.

Kosovaboxing.org
26 Maj 2010