Tatli mbron titullin EBU me 13 gusht kundër spanjollit Cristian Morales
1 min readBoksieri më i mirë i vitit 2015 nga Kosova Boxing, Edis Tatli do të mbroj titullin e kampionit evropian në versionin EBU me 13 gusht në Savolinna të Finlandës. Tatli (27-1, 9 KO) përball do ta ketë spanjollin Cristian Morales (14-1-1, 4 KO).
Kjo do të jetë mbrojtja e dytë e titullit EBU për Tatlin. Titullin më të vlefshëm të kontinentit të vjetër e fitoi vitin e kaluar duke mposhtur franqezin Yvan Mendi me vendim unanim pas 12 raundeve, ndërsa e mbrojti një herë kundër italianit Massimiliano Ballisai.
Tatli renditet lartë në ranglistat botërore. Ai renditet i 6-ti në WBC dhe i 7-ti në IBF, dhe mund që nga fundi i vitit të sfidoj titullin e kampionit të botës në njërën nga këto dy federata ku kampion janë malazesi Dejan Zlaticanin në WBC dhe amerikani Rances Barthelemy në IBF.
Kosovaboxing.org
20 qershor 2016