`SHOW MUST GO ON` -III- me 23 shtator

Pas sukseseve të dy eventëve nga promoteri Burim Sylejmani “Fides Sport Promotion” të vitit të kaluar në Ferizaj (29 korrik 2022) dhe këtij viti në Schwenningen të Gjermanisë (27 maj 2023), tani është caktuar eventi i tretë me radhë, ku yjet e boksit gjerman dhe shqiptar zbresin në GETEC-Arena në Magdeburg të Gjermanisë me 23 shtator.

Duelin kryesor do ta ketë i famshmi Tom Schwarz, po ashtu do të boksojë edhe ish-kampioni i botës Tyron Zeuge. Ndër ta dhe boksierët që kohët e fundit kanë influencë të madhe në boksin shqiptar si Ardian Krasniqi, Liridon Mulolli dhe Viktor Cakiqi.

Deri në ditën e përballjeve, do të ketë edhe shumë surpriza të tjera.

Aurora Verbica
02.08.2023