Sefer Seferi demolon Istvan Bobis me TKO 2

Palestra Rinia e Sporteve, Gostivar, 27 Nëntor 2010 – Sefer Seferi ka radhitur fitoren e 12-të në karieren e tij. Seferi mposhti hungarezin Istvan Bobis me ndërprerje në raund të dytë. Qysh në raundin e parë Seferi e lexoi dobësit e kundërshtarit dhe i dha disa goditje mjaft të forta, gjë që Bobis u gjet dy herë në “knock-down”. Në raundin e dytë Seferi vazhdoi me atë ritëm duke hedhur edhe dy herë në dysheme hungarezin, deri sa gjyqëtari ndërpreu luftën. Kjo fitore e Seferit është e mirë se ardhur në vazhdimin e karierës së tij në boksin profesionist. 12 duele të zhvilluara në boksin profesionist dhe të gjitha fitore e ndër to 11-të me ndërprerje tregojnë që Seferi ka një të ardhme të ndritur. Ai në fund të vitit të kaluar na premtoi se do të fiton një titull botëror dhe këtë e realizoi duke fituar titullin vakant të WBF-Intercontinental. “Jam i gëzuar me këtë fitore. Kam pritur të kem një kundërshtar më të fortë, por në momentet e fundit mu ndërua kundërshtari. E kisha parasysh se edhe Boban është një kundërshtar i fortë, pasi javë më parë fitoi titullin e kampionit të Hungarisë në kick-box” deklaroi Seferi për Kosovaboxing.org. Dueli i radhës për Seferin mund të jetë me 18 Dhjetor. Ai është akoma në bisedime për këtë duel por kjo pritet që në ditët në vijim të realizohet.