Nimani, vetëm një hap afër medaljes

Baku, 20 qershor 2015 – Azize Nimani ka fituar përballjen me françezën Delphine Mancini në të tetën e finalës së Lojrave Evropiane që po mbahen në Baku të Azerbejxhanit. Me këtë fitore Nimani dëshmoi padrejtësinë që i është bërë në vitin 2013 kur asaj iu mohua fitorja ndaj Delphine Mancini në kampionatin botëror në Keszthely të Hungarisë. Dhe sot Nimani u dëshmua duke siguruar çerekifinalen dhe është vetëm një hap larg medalejës së vlefshme të Lojrave Evropiane.

Nimani filloi mirë meçin ku në raundin e parë dhe të dytë ishte bindshëm më e mirë. Në raundin e tretë ishte diç më jo efikase ku Mancinin dy gjyqëtarë e vlerësuan më të mirë, ndërsa njëri Nimanin. I njejtë ishte edhe raundi i katërt ku dy gjyqëtarë e vlerësuan fituese të raundit Mancinin, ndërsa njëra Nimanin. Por, në fund në mbledhjen e pikëve Nimani doli fituese me rezultat 2 me 0 (39-37 dhe 39-37) ndërsa njëri me barazim (38-38).

Nimani në çerekfinale do të takohet me romunen Ilia Coroli ku konsiderohet favorite. Dueli Nimani dhe Coroli do të zhvillohet me 23 qershor.

Artan Vërbica
20 qershor 2015