Histori : K.B. Prishtina e merret titulli i gjashtë me shumë padrejtësi

Klubi më i famshëm i boksit shqiptar, K.B. Prishtina e cila në ish-Jugosllavi korri suksese të mëdha duke qenë çdo vit pretendente për titull të kampionit, shkruajti faqet më të bukura në boksin tonë të papërsëritshme deri më tani. K.B. Prishtina gjatë pjesmarrjes në ligën e parë në ish-Jugosllavi arriti të fitoj pesë herë titullin e kampionit, gjashtë herë doli e dyta dhe tre herë e treta. Pra me vite të tëra ishte në krye të renditjes. Këto suksese janë histori e boksit tonë ku me dekada dolën nga ky klub boksier me nam. Traineri ynë legjendar tash i ndjeri Lah Nimani thoshte se K.B. Prishtina ishte 11-herë kampion duke i numëruar edhe ato gjashtë herë kur ishin të dytë dhe ju morrën titujt me zorr nga politika anti-shqiptare.

Kosovaboxing.org ju sjell një ngjarje apo kujtim nga viti 1986 ku klubit tonë më të sukseshëm iu morr titulli i kampionit. K.B. Prishtina zhvillonte gjiron e rregullt me Goshën nga Palanka e Smederevit dhe ky duel mund të ishte përcaktues ku në rast të fitores K.B. Prishtina do të ishte kampion për herë të gjashtë. Në luftë për titull K.B. Prishtina ishte drejtpërdrejt me K.B. Buduçnostin e Podgoricës. Në pallatin e rinisë dhe sporteve në Prishtinë ishin mbledhur rreth 6000 shikues ku zhvillohej derbi javës dhe të gjithë pritnin fitore dhe rrëmbimin e titullit të gjashtë, por doli e kundërta ku K.B. Prishtina barazoi me K.B. Gosha, 10 me 10 duke iu bërë padrejtësi të madhe.  Ishte gjyqëtari në ring Miletic i cili bëri shumë nuance kundër ekipit tonë gjë që ne mbetem vetem me gjasa minimale për titull. Duelet i pari i filloi Abedin Lika i cili fitoj ndaj Zivadinovic ku në asnjë mënyrë nuk mund t`i mohohej fitorja, Shala humbi nga Sacirovic ndërsa Hilmi Hyseni bëri duel të bukur me Sekularac por në fund vendimi i gjyqtarëve ishte qesharak barazim. Majanci mposhti Hasan ndërsa Skender Hajdini humbi nga Maric, një luftë e jo e pritur por gjyqëtari Miletic dispononte si donte dhe nga ky qast u pa se do të jetë e vështirë deri në fund. Latifi humbi nga Puzovic dhe Makollit poashtu ju dha vetem barazim. Kur mbaroi dueli i nëntë K.B. Prishtina ishte në avantazh me 10:8 dhe pritej fitorja e Xhevdet Pecit, por Peci u diskualifikua dhe të gjithë të pranishmit mbeten të zhgënjyer. Peci vazhdimisht u kapte nga Milenko Andric dhe ishte mjaft i frustuar ku ju dha vërejtja e parë nga Miletic. Rasti i dytë i ndëshkimit ndodhi kishe Peci e shau gjyqëtarin ndërsa si është e mundur kur Peci kishte gomën e dhëmbëve në gojë.

Këto janë të gjitha duelet e zhvilluara atë ditë:

Kategoria Mizë : Lika – Zivadinovic  2:0
Kategoria Bantam : Shala – Sacirovic 0:2
Kategoria Pendël : Hyseni – Sekularac 1:1
Kategoria e lehtë : Majanci – Hasan 2:0
Kategoria gjysmë velter : Hajdini – Maric 2:0
Kategoria velter : Latifi – Puzovic 0:2
Kategoria gjysmë e mesme : Makolli – Petrinjovic 1:1
Kategoria e mesme : Rexhepi – Milosevic 2:0 (ndërprerje raundi 1)
Kategoria gjysmë e rënd : Halimi – Jevtic 0:2
Kategoria e rënd : Peci – Andric 0:2 (diskualifikim)

E gjithë kjo ngjarje ndodhi me 1 Qershor 1986 në Prishtinë. Më pastaj K.B. Prishtina mori edhe ndëshkimin më të madh në Podgoricë kur prapë ne u gjendem të vjedhur ndërsa Peci në shenjë paknaqësie goditi referin dhe diskualifikua. Ekipi ynë me nam për shkak të këtij veprimi u dërgua në ligën e dytë dhe Xhevdet Pecit përjetësisht iu ndalua boksi. K. B. Prishtina me 1987 bëri pjesë në ligën e dytë dhe u kthye pas një viti në ligën e parë por viti i fundit ishte 1988 kur edhe filluan vitet e dhunës dhe moslejimi i boksierve tanë të marrin pjesë në ligën e ish-Jugosllavisë. Historia e kombit tonë në shumë fusha sportive ka qenë e dhimbshme.

Artan Vërbica
17 Gusht 2010