Hekuran dhe Dardan Avdylaj paraqitën me 30 prill në Vienë

Dy kikboksierët tanë perspektiv Hekuran dhe Dardan Avdylaj do të paraqitën me 30 prill në Vienë të Austrisë. Promoteri i kësaj ngjarje Mërgim Veseli ka parashikuar që dy vëllezërit të janë pjesë e kësaj ngjarje.

Hekurani përball do ta ketë kroatin e njohur, Jasmin Bajroviç. Ndërsa Dardani do të ketë Rene Wimmer. Përballja e Dardanit me Wimmer do të jetë për titullin e Austrisë deri -86 kg.

Për dy vëllezërit nuk do të ketë asnjë ditë pushim, pasi të dytë do të kanë përballjet e radhës me 9 korrik. Të dytë i pret një ngjarje e fortë ku Dardani do të sfidoj titullin e kampionit evropian në versionin SPA deri 86 kg. Ndërsa Hekurani do të ketë duelin për titull bote në versionin e njejtë SPA deri -76 kg. 

Vëllezërit Avdylaj janë e ardhme e kikboksit tonë. Se kush janë vëllezërit Avdylaj mund ti shihni disa rekorde të tyre vetëm në Kosova Boxing:

Hekuran Avdylaj u lind më 11 dhjetor 1992 në Vjenë të Austrisë. Hekurani deri më tani ka zhvilluar 26 meçe duke shënuar 23 fitore (10 KO) duke pësuar edhe tre humbje në karrierë e tij. Hekurani paraqitet në kategorinë deri -76 kg.
23-vjeçari, titullin e parë në karrierë e fitoi vitin e kaluar duke u shpallë kampion evropian në versionin SPF në kategorinë deri më 75 kg. Ai mposhti gjermanin, Ramon Kubler me nokaut në raund të tretë.

Dardan Avdylaj u lind më 8 qershor 1995 në Vjenë të Austrisë. Dardani deri më tani ka zhvilluar 25 meçe me bilanc prej 21 fitoresh (6 KO) dhe 4 humbje. Dardani paraqitet në dy kategori, në -81 kg dhe -86 kg.
20-vjeçari, titullin e parë në karrierë e fitoi më 2013, duke fituar titullin e Gjermanisë në kategorinë gjysmë të rëndë, apo deri -81 kg në versionin WAKO. Po atë vit triumfoj duke fituar edhe në kampionatin e Austrisë meqë rast fitoi titullin e kampionit po në të njëjtën kategori, në -81 kg. Këtë vit u shpall kampion internacional i Austrisë në versionin ISKA, në kategorinë deri 86 kg. Ai mposhti çekun Daniel Vidovec me vendim unanim pas pesë raundeve.

Artan Vërbica
24 mars 2016