Haxhi Krasniqi shkëlqen duke shkatëruar Shahinin në raund të 4-të

O2 World Arena, Gjermani, 25 Gusht 2012 – Nuk ka mundur të shënoj fitore më të ëmbël se kjo e kësaj mbrëmje kur Haxhi Krasniqi fitoi me ndërprerje në raund të 4-të. Qysh në raund të parë shfrytëzoi armën e tij të fortë “Upercutt” duke e hedhur në dysheme për herë të parë duke i shkaktuar gjakosje në hundë. Goditjet sërish plasuan nga boksieri ynë i cili çdo here rritë ritmin duke e shpëtuar gongu turkun Shahin. Në raundin e dytë dhe të tretë sërish ishte Krasniqi që mbante tempon por nuk rrezikonte asgjë duke fituar pastër edhe këto dy raunde. Raundi i 4-të ishte përcaktues kur sërish Krasniqi dërmoi me kombinim goditjesh gjë që Shahin ra sërish në dysheme. Ai u zgjua por gjyqëtari duke parë se nuk është i denjë të vazhdoj ndërpreu meçin. Ishte disfata e parë e Shahin pas 21 përballjeve, deri sa Krasniqi ngriti rekordin e tij në 38 fitore (14 KO),  dhe dy humbjeve që i kishte pësuar në fillim të karrierës. Kjo fitore nuk mundte të përfundonte më mirë se me fitore të madhe, siç fitoi Krasniqi. E gjithë Kosova, Prishtina, Juniku ishin në festë, deri sa agjensioni ynë mori shumë emaila dhe sms duke na uruar për fitoren e Krasniqit.

Para kësaj përballje Krasniqi radhitej i 5-ti në versionin WBO, ndërsa kjo fitore dhe titulli i fituar WBO Internacional do të sjell atë në TOP 3 të versionit WBO. Ndoshta shumë shpejtë do të zhvillohet meçi për titull bote kundër britanikut Nathan Cleverly. Por, nëse Cleverly sërish i ikë duelit me Krasniqin, atëhere boksieri ynë do të duhej që nepërmjet një meçi eliminator ti ipet mundësia për titullin e kampionit të botës.

Ky meç u emitua drejtpërdrejt në televizionin RTK për rrjetin tokësor.

Foto: Eroll Popova

Artan Vërbica
25 Gusht 2012