Gjergjaj nakauton brazilianin Domingos në raund të parë
1 min readBern, Zvicër, 26 dhjetor 2013 – Arnold Gjergjaj ka nakautuar sonte brazilianin Gilbert Matheus “el Magico” Domingos në raund të parë. Gjergjaj që nga fillimi filloi furishëm duke e goditur fuqishëm disa herë, duke e dërguar në dysheme tre herë më radhë brazilianin. Ishte minuta 2:23 e raundit të parë kur gjyqëtari Beat Haussamman ndali meçin.
“Vështirë është ti përballosh goditjet e Gjergjaj. Ai dukej si një bishë krahasuar me Domingos, i cili nuk kishte asnjë mundësi ti kundërvihej boksierit tonë” theksoi Frrok Kolaj për Kosova Boxing. Kolaj është bashkëpuntor i ngushtë i ekipit Gjergjaj.
Për Gjergjaj kjo ishte fitorja e 23-të në karrierë në poaq meçe, ndërsa e 17-ta me ndërprerje. Për brazilianin Domingos ishte vetëm humbja e dytë në karrierë, karshi 21 fitoreve (19 KO).
Gjergjaj përmbyll këtë vit me tre fitore të rëndësishme duke qenë ndër pesë boksierët më të mirë shqiptar që u shquan këtë vit.
Artan Vërbica
26 dhjetor 2013