Fitim Latifi zhvillon duelin e katërt profesionist këtë fundjavë

Boksieri ynë nga Vushtrria me rezidencë në Finlandë, Fitim Latifi do të boksoj këtë fundjavë në qytetin Hamina të Finlandës. Latifi 22-vjeçar do të kryqëzoj dorëzat me lituanzezin Artiom Karaisov i cili ka bilanc prej 2 fitore (2 KO) dhe 2 humbje.

Latifi deri më tani ka zhvilluar tre meçe profesioniste duke fituar të gjitha, deri sa synon fitoren e katërt në ringun profesionist.

Kosova Boxing është mediumi i parë shqiptar që ka përcjellur karrierën e boksierit tonë që nga boksi amator kur boksonte në Gjermani e deri më tani kur edhe po shkëlqen në boksin profesionist. Latifi së bashku me Edis Tatlin janë boksier të promoterit të njohur në Skandinavi Pekka Maki.

Kosovaboxing.org
12 Shkurt 2013