RTK

RTKLive
26 Shtator, 2022

Fabiana dhe Sebastian Bytyqi vazhdojnë me fitore

1 min read

Fabiana dhe Sebastian BytyqiVëlla e motër po shkëlqejnë në Çeki, Fabiana dhe Sebastian Bytyqi. Të dytë kanë triumfuar mbrëmë në përballjet e tyre të zhvilluara në Sluneta Usti Nad Labem të Çekisë, në duelet e tyre të boksit profesionist.

Fabiana Bytyqi, 4-0 (2 KO) përball kishte boksieren nga Spanja, Maribel De Sousa, 1-4-0 të cilin e mposhti me vendim unanim pas gjashtë raundeve. Dueli ishte i vështirë për Fabianën gjatë gjithë kohës, por që me zgjuarsi mbajti nën kontroll kundërshtarën duke fituar të gjitha raundet.

Ndërsa Sebastian Bytyqi, 6-0 (6 KO) vazhdoi triumfet e tij të gjitha me ndërprerje. Ai mposhti çekun Lukas Radic 2-2-1 (2 KO) me nakaut në raund të dytë.

Fabiana 19-vjeçare dhe Sebastiani 17-vjeçar po shkëlqejnë me paraqitjet e tyre në boksin profesionist. Ndryshe nga Fabiana që paraqitet vetëm në boksin profesionist, Sebastiani është aktiv dhe i sukseshëm edhe në kikboks. Ai do të paraqitet me 3 tetor në një gala mbrëmje në kikboks që do të zhvillohet në Sllovaki.

Kosova Boxing falenderon babain e Fabianës dhe Sebastianit, Fabianin për informatën dhe lajmin ekskluziv për agjencionin tonë.

Artan Vërbica
13 shtator 2015

 

 

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Copyright © All rights reserved. | Newsphere by AF themes.