Bradley dëshmohet, fiton ndaj Marquez. Ndërsa Lomachenko debuton me KO

Las Vegas, SHBA, 12 tetor 2013 – Me fitoren e shënuar mbrëmë, Timothy Bradley 31-0 (12 KO) është dëshmuar se është kampion i vërtet botëror në kategorinë velter. Ai poashtu ka fituar respektin e skeptikëve pas dy fitoreve kontraverse ndaj Manny Pacquiaos dhe  Ruslan Provodnikov. Bradley mbrëmë ishte më i mirë se Juan Manuel Marquez 55-7-1 (40 KO) për një nuancë duke arritur të fitoj dy boksier “Hall of Fame”. Dy nga gjyqëtarët i dhanë fitoren Bradleyt, ndërsa njëri Marquezit. Robert Hoyles e gjykoi 115-113 për Marquez, ndërsa Patricia Morsa Jarman 116-112 dhe Gleen Feldman 115-113 për Bradley.

Ndërsa në meçin debutues për titullin WBO Internacional, kampioni i dyfishtë olimpik Vasyl Lomachenko ka fituar duelin me meksikanin Jose Ramirez 25-4 (15 KO) me nakaut në raundin e katërt. Lomachenko tregoi potencial duke mposhtur një boksier me shumë përvojë. Ai që në raundin e parë e me një “Body-Shot” e hedhi në dysheme, deri sa në raundin e katërt e përsëriti goditjen në trup duke e lënë të përplasur në dysheme. Duelin e radhës Lomachenko mundet të ketë për titull bote në pranverë ndaj kubanezit Guillermo Rigondeaux.

Kosovaboxing.org
13 tetor 2013