Bota e boksit në ditë zije për Joe Fraizer

Filadelfija, SHBA, 7 Nëntor 2011 – Ish kampioni botëror Joe Fraizer ka ndruar jetë mbrëmë në qytetin e tij të lindjes në Filadelfija në moshën 67-vjeçare, pasi vuante nga sëmundja e kancerit në mëlqi. Legjenda “Smoking Joe” u bë i njohur pasi mposhti për herë të parë boksierin më të mirë të gjitha kohërave Muhammed Ali. Fraizer ishte kampion i botës për tre vite nga 1970 deri 1973, kur humbi titullin e kampionit botëror nga George Forman. Tre meçet me Muhammed Ali mbeten ndër më të mirat në histori të boksit botëror. Ai u penzionua me 1976. Në vitin 1971 u takuan për herë të parë kur mposhti me vendim unanim Muhammed Alin me vendim unanim pas 15-raundeve. Fraizer do të kujtohet edhe për atë, pasi është boksieri i parë që i dha “Knock-Down” Muhammed Alisë. Pas kësaj Ali kaloi disa vite në burg për shkak të refuzimit të shkuarjes në Vietnam. Fraizer mbajti titujt e kampionit botëror për tre vite duke qenë i pamposhtur, ku më pastaj humbjen e parë e pësoi nga George Forman me 1973. Më pastaj erdhi përballja e dytë me Muhammed Ali për titullin e Amerikës ku Ali doli fitues me vendim unanim. Dueli i tretë dhe më interesanti u zhvillua në Manila të Filipinës ku dueli ishte i barabartë deri në raundin e 14-të, dhe deri sa u pritë të fillon raundi i fundit Joe Fraizer dorëzoi meçin. Ky gjest nga ai do të mbahet në mend për shumë kend, dhe nga ky moment historianët e boksit filluan të shkruajnë se si Fraizer humbi meçin nga për shkak të psikologjisë së dobët, pasi ishte më i fortë se Ali. Deri sa Ali nuk kishte forcë për të vazhduar meçin, ai kërkohej me ngulm nga traineri i tij Angelo Dundi të vazhdoj, Fraizer papritmas e dorëzoi meçin. Pas kësaj Ali ra në gjunjë duke mos pasur forcë as të ngritet për të mbajtur titullin e kampionit botëror.

Me të ndëgjuar për vdekjen e Joe Fraizer nga Muhammed Ali, ai deklaroi: “Bota sot humbi një kampion të madh. Gjithëmonë do t`a kujtoj me Fraizerin me respekt dhe admirim”.

Fraizer është edhe fitues i artë i medaljes Olimpike me 1964 në Tokyo të Japonisë.

Fraizer do të mbahet mend për tërë jetën për sportdashësit e boksit, pasi ka shkruar faqet më të bukura të boksit modern. Edhe Kosova Boxing mori lajmin e vdekjes së tij me dhimbje, pasi ai vlerësohej si njëri që bëri boksin kaq të popullarizuar.

Artan Vërbica
8 Nëntor 2011