Analizë: Dëshmohet Terbunja, heshtë skeptikët

Shkruan: Artan Vërbica

Disa e kishin e menduar që karriera e Naim Terbunjes ka përfunduar, duke mos i besuar më. Kishte nga ata që thonin se ai ishte i sukseshëm vetëm si boksier amator duke e anashkaluar dhe duke e injoruar karrierën e profesionistit. Fitoret e tij në boksin profesionist nuk vlerësoheshin shumë pasi nuk ishin me nakaut, gjë shumë e gabueshme dhe e paditur nga shumë kush. Është e kuptueshme që kur nuk je më në krye aty i kupton sa të vlerësojnë të tjerët, ku shumë të injorojnë dhe të largohen. Dhe të rallë ishin që besuan ne te, ndoshta unë i vetëm dhe boksieri ynë i njohur Elvir Muriqi, i cili gjatë gjithë kohës në SHBA e mbështeti dhe e përkrahu. Terbunja asnjëherë s`është ndalur duke kërkuar krenarin e tij dhe me fitoren e fundjavës ka befasur të gjithë duke dëshmuar se ka shumë për ti dhënë sportit fisnik.

Kundërshtari i Terbunjes, Joel De La Paz kishte qenë favorit para meçit. Të gjithë pritnin humbjen e Terbunjes ku askush nuk e besonte triumfin e boksierit tonë. Por, ai dëshmoi se e kishin pasur keq duke e nakautuar De La Paz-in që në raund të parë. Terbunjes iu deshtën vetëm 30 sekonda ku arriti të gjuajë fortë të djathtën e tij duke e hedhur në dysheme, ndërsa La Paz menzi u zgjua, por nuk ishte i gatshëm të vazhdonte. 

Pas meçit trajneri i De La Paz kërkoi revanshin, duke theksuar se Terbunja fitoi me fat pasi goditja ishte “Lucky Punch”, por kjo kërkesë dhe deklaratë e tij smund të fshehë shkëlqimin e fitores së boksierit tonë.

Terbunja shënoi fitore e 9-të në karrierë të parën me nakaut. Ndërsa De La Paz shënoi humbjen e parë karshi 7 fitoreve (4 KO). Shumë është përfolur për se Terbunja nuk ka fitore me nakaut, por duhet të gjithë të janë të bindur se ai të gjitha fitoret i shënoi kundër oponentëve të vështirë dhe lartë të rënditur. Tani erdhi fitorja me KO, kjo ka pak rëndësi, Terbunja vazhdon të marshoj drejt fitoreve dhe ngritjes në ranglista botërore duke kërkuar të fitoj tituj të çmuar në boksin profesionist.

www.kosovaboxing.org
26 korrik 2016