Sefer Seferi kundër Tyson Fury me 9 qershor

Boksieri ynë Sefer Seferi do të ballafaqohet me ish-kampionin e padiskutueshëm botëror, Tyson Fury. Dueli i tyre do të zhvillohet me 9 qershor në Manchester Arena në Angli. 

Dueli do të jetë mjaft interesant, “HE’S BACK” është quajtur meçi i tij i rikthimit e tani ky rikthim për ne bëhet edhe më interesant pasi bokson me një shqiptarë.

Në rrjetet sociale ka pasur reagime të ndryshme, disa e kanë paragjykuar si të pa imagjinueshëm këtë meç, disa të pa shpresë duke mos besuar që Seferi mund ti kundërvihet, por kjo do të mësohet me 9 qershor atë mbrëmje ku Seferi do të ketë rastin e tij jetësor.

Seferi është treguar i aftë me 2016 kundër Emmanuel Char kur boksoi të gjitha raundet, të dhjetat kundër tij me më pak se një muaj stërvitje. Edhe tani nuk do të jetë lehtë duke ditur se Fury është boksier me të gjitha tiparet , shumë i mirë, por ai në dy vitet e fundit ka pasur probleme me drogë duke qenë posedues i rregullt i kokainës dhe njëkohësisht kishte shtuar peshë për së tepërmi, 30 kilogramë më shumë. Pra këto dobësi Seferi mund ti shfrytëzoj duke qenë në pikëpyetje forma e anglezit. Ndërsa edhe një përparsi ka Seferi, ai do të ketë dy muaj kohë për përgatitje. Seferi është i uritur për suksesë, shpresojm që të jap më të mirën me 9 qershor e pse jo, që edhe të dal fitues duke befasuar Fury-n.