Sefer Seferi arritë në Hamburg

Boksieri ynë Sefer Seferi ka arritur sonte në Hamburg të Gjermanisë ku pas nesër e pret përballja me gjermanin Marko Angermann. Seferi është vendosur në hotelin “Atlantic” në Hamburg dhe i qetë e pret duelin e 15-të. Seferi deri më tani ka zhvilluar 14 meçe ku ka të gjitha fitore, 13 me ndërprerje. Seferi thekson për Kosova Boxing se është i gatshëm për përballjen dhe pret fitoren e radhës. ” Jam përgaditur mjaft mirë. Kam berë sparring me Agron Xhillën dhe Arnold Gjergjaj, ku ndihem mjaft mirë. Pres me padurim përballjen e së shtundes” theksoi Seferi.

Seferi do të ketë matjet zyrtare nesër mbrëma në Hamburg, ndërsa Kosova Boxing do t`ju sjell peshimet zyrtare për të gjithë adhuruesit e Seferit.

Artan Vërbica
9 Shkurt 2012