Sadikaj dhe Muriqi triumfojnë në duelet e radhës
1 min readBaltimore Patapsco Arena, Maryland, 28 shtator 2013 – Albi Sadikaj 2-0 (2 KO) ka shënuar fitoren e dytë në boksin profesionist. Ai mbrëmë mposhti amerikanin Alando Pugh 0-2, me nakaut në raundin e dytë. Sadikaj debutoi në boksin profesionist me 3 gusht, ndërsa fitorja e dytë vjen vetëm pas një muaji e gjysëm. Duelin e radhës Sadikaj do ta zhvilloj me 26 tetor në Washington.
“Jam i kënaqur me fitoren e dytë dhe me performancën që tregova. Shpresoj që të vazhdoj me triumfe” theksoi Sadikaj për Kosova Boxing.
Ndërkohë në lagjen Queens të New York-ut, Valdrin Muriqi 4-3 (0 KO) ka triumfuar ndaj amerikanit Jermain King 1-7-1 (0 KO) me vendim unanim pas katër raundeve. Valdrini është djali i axhës së boksierit tonë të mirënjohur Elvir Muriqit.
Kosovaboxing.org
29 shtator 2013