Rrustemi përballet me Aleksander Todoroviq sonte

Erzen Rrustemi do të përballet me serbin Aleksander Todorviq në Hamburg të Gjermanisë. Dueli do të zhvillohet në gjashtë raunde, ndërsa që meçi do të jetë i vlefshëm për plasman më të lartë në kategorinë kruzer.

Rrustemi pjesën e parë të përgatitjeve i ka zhvilluar në Burgdorf, ndërsa të dytën në Hamburg tek ekipi ECB Boxing.

“Përgatitjet kanë shkuar shumë mirë dhe unë synoj fitoren e 10-të në karrierë” theksoi Rrustemi për Kosova Boxing.

Në krahë të Rrustemit do të jetë Nuri Seferi i cili vazhdimisht ka përkrahur boksierin gjilanas. Rrustemi ka bilanc 100% në boksin profesionist me bilanc 9-0 (8 KO). Ndërsa Todoroviq ka 4 fitore (3 KO), 6 humbje dhe një barazim.

Kosovaboxing.org
24 tetor 2015