Pulev triumfon ndaj Thompson me vendim unanim
2 min readBoksieri bullgar Kubrat Pulev, mbrëmë ka bërë edhe një hap të rëndësishëm drejt sfidës së titullit të kampionit të botës, duke triumfuar ndaj amerikanit Tony Thompson. Ai ishte më i mirë se amerikani për gjatë 12-raundeve, duke fituar me vendim unanim. Me këtë fitore Pulev ka mbrojtur titullin IBF-Internacional, ndërsa ka forcuar vendin e parë në IBF duke pritur fituesin e duelit Klitschko dhe Povetkin që do të ndeshen me 5 tetor për titullin e kampionit të botës.
“Tani do të presë fituesin e 5 tetorit. Parashikoj të jetë Klitschko fitues. Ska qenë forma më e mirë e imja sonte, por besoj do të bëjë më të mirën në të ardhmen” theksoi Pulev.
Në vazhdim ai falenderoi publikun gjerman dhe përkrahjen e gjermanëve ndaj tij për arritjet e deritashme. “E falenderoj publikun për përkrahje. Unë humba raundin e parë dhe ata më ndihmuan të kthehem e të fitoj çdo raund. Unë stërvitem në Gjermani, por nuk do të kisha arritur pa specialistët e trainerëve të mij bullgar, Petar Lesov, Borislav Boyadziev, Mikhail Takov, Jordan Stoyanov, Kotze Petkov, që të bëhem sot ky që jam” tha Pulev.
Në mbrëmjen e mbajtur në “Schwerin” boksoi edhe Jurgen Brahmer i cili mbrojti titullin WBO-Internacional dhe EBU ndaj italianit Stefano Abatangelo me vendim unanim pas 12-raundeve. Brahmer tashmë do të jetë edhe sfidues i drejtpërdrejt i rusit, Sergei Kovalov, i cili mposhti britanikun Nathan Cleverly duke ia rrëmbyer titullin e kampionit të botës në versionin WBO. Abraham renditet edhe në versionet tjera lartë si në WBC 8, WBA 3, IBF 3 dhe WBO 1.
Në këtë mbrëmje boksoi dhe Arthur Abraham i cili boksoi kundër afrikanit nga Nambia, Wilberforce Shihepo. Abrahm fitoi me vendim unanim pas 12-raundeve duke fituar titullin WBO-Intercontinental. Abraham synon duelin e tretë ndaj Robert Stieglitz këtë fundvitë e cila me gjasë do të realizohet duke ditur fuqin që ka menaxheri i tij, Wilfred Saurland.
Kosovaboxing.org
25 Gusht 2013