Pervizaj shënon edhe një fitore të vlefshme

Sandsvall, Suedi, 21 prill 2018 – Albon Pervizaj ka shënuar një fitore të vlefshme sonte në Sundsvall të Suedisë. Kjo është fitorja më e madhe e Pervizaj (8-0, 6 KO) kundrejt një kundërshtari mjaft të fuqishëm nga Gjeorgjia, Irakli Gvenetetadze (10-7-0, 9 KO).

Pervizaj e filloi mirë meçin dhe e përfundoj dhe më lehtë se që është pritur. Ai në kohën 1:23 të raundit të parë e hedhi në dysheme Gvenetetadzen i cili u zgjua dhe vazhdoi, por që kishte prerje të madhe në hundë dhe raundin e dytë nuk e filloi fare, duke e dorëzuar meçin. 

Pervizaj debutoi vitin e kaluar në boksin profesionist duke shënuar 6 fitore. Këtë vit po e vazhdon shkëlqimin duke bërë hapa të mëdha drejt ngritjes së ranglistave botërore. Ai këtë vit ka zhvilluar dy meçe deri më tani, dy fitore të mëdha.

www.kosovaboxing.org
21 prill 2018