Kuqi bokson me Vidovic me 29 Maj në Shkodër

Jetmir Kuqi do të bokson këtë të shtunde me kroatin Josip Vidovic. Kuqi në boksin amator që ishte mjaft i sukseshëm ashtu edhe në boksin profesionist ka startuar me nivel të lartë të paraqitjeve duke fituar tre duele, ndër to dy me ndërprerje. Kundërshtari i Kuqit, Josip Vidovic është një boksier cilësor me një bagazh të madh në boksin amator dhe në kick-box poashtu duke qenë dy herë kampion i Kroacisë dhe një herë kampion i Bosnjë dhe Hercegovinës. Kosovaboxing.org morri lajmin nga menagjeri i Vidovic, Jozo Gabric i cili njëherit është bashkëpuntor i yni. Ai na tregoi për udhëtimin për në Shkodër. Gabric na tregoi për bashkëpunimin që ka me zyrtarët shkodran. “Edhe herën e kaluar ju kam sjellur boksier nga Kroacia. Ishte dueli me Zoran Cvek muajin e kaluar, ku ishte luftë e fortë ku Kuqi fitoi me meritë fitues në atë duel” deklaroi Gabric. “U kam ofruar edhe boksierin e mirënjohur Ante Bilic, por për momentin ata nuk janë të interesuar të shtin Kuqin në sfida të mëdha edhe pse Vidovic është mjaft i rrëzikshëm” theksoi Gabric. “Vidovic ka dy duele profesionale mirpo ende nuk i ka zyrtare duelet e tij, një fitore dhe një humbje, sepse ka pas probleme me licencë profesionale” tha Gabric në lidhje telefonike për Kosovaboxing.org.

Ndërkohë Jetmir Kuqi ishte mjaft i cektë për luftën e ardhshëm. “Jam i përgaditur dhe pres fitoren e radhës. Besoj në kualitetet e mia. Fitorja e katërt do të jetë një shtytje tjetër rreth së ardhmes sime” deklaroi Kuqi për Kosovaboxing.org.

Në parameç të duelit të Jetmir Kuqit do të boksojnë edhe tre pjesmarrësit e kombëtarës së Shqipërisë për kampionatin evropian, Kristian Demaj, Enea Kovaçi dhe Aleksandër Rama, kurse boksierët si Albi Sorra dhe Feliks Kruja janë lane jashtë. Në ditët në vijim do t`ju sjellim një analizë reth të ardhmës së kombëtarës sonë me të mirat dhe këqijat e saj.

Artan Vërbica
26 Maj 2010