Krasniqi mbron titullin “WBO Internacional” me TKO 3

Foto: Eroll Popova

Boksieri ynë Haxhi (Robin) Krasniqi ka kaluar pengesën e fundit që e kishte para sfidës për titull të botës në kategorinë gjysmë të rëndë në versionin WBO. Krasniqi të premten mbrëma në Magdeburg të Gjermanisë mposhti me nokaut teknik në raundin e tretë amerikanin Max Heyman. Lufta ishte e vlefshme për titullin WBO International, titull të cilin e ka pasur në pronë junikasi. Për Krasniqin 25-vjeçar kjo ishte fitorja e 39-të në boksin profesionist karshi dy humbjeve. Krasniqi është sfidues i detyrueshëm i kampionit të versionit WBO, uellsianit Cleverly dhe pritet të përballet me të vitin e ardhshëm.

Koha Ditore
17 Nëntor 2012