RTK

RTKLive
28 Mars, 2024

Erzen Rrustemi, emri i ri në boksin profesionist

1 min read

Boksi shqiptar çdo ditë po shënon ngritje të numrit të  boksierëve profesionist. Boksieri i cili do t`i qaset dhe do të debuton në profesionalizëm, do të jetë Erzen Rrustemi, i cili me 7 Prill në Alzach të Gjermanisë do të bejë hapin e parë në ringun profesionist. Rrustemi nuk ka ndonjë karrierë të bujshme në boksin amator, mirëpo ai ka krijuar një njohuri për boksin, në saje të vëllezërve Seferi dhe Agron Xhillës, që e kanë ndihmuar mjaft shumë të mësoj boksin. Rrustemi jeton prej disa vitesh në Zvicër, në kryeqytetin Bern, por ai vjen nga Gjilani dhe ka vendosur që boksin profesionist të filloj me licencë të Kosovës. Ai ka përgaditur të gjithë dokumentacionin e kërkuar dhe këto ditë do të pajiset me licencë kosovare. Kundërshtari i Rrustemit do të jetë hungarezi Attila Toth, dhe meçi do të zhvillohet në 4 raunde. Në këtë mbrëmje do të boksoj edhe boksieri ynë, tashmë i njohur për opinionin tonë, Agron Xhilla, i cili do të synoj edhe titullin e tretë botëror për të rinjë “WBC Youth”. Xhilla është kampion aktual edhe i dy brezave tjerë “IBF & WBO Youth”. Në renditjen e fundit të shfaqur nga versioni WBO, Xhilla renditet i 15-ti në botë në kategorinë “Cruiser”. Poashtu Nuri Seferi mban vendin e 5-të në versionin WBO, në këtë kategori.

Artan Vërbica
29 Mars 2012

6 thoughts on “Erzen Rrustemi, emri i ri në boksin profesionist

  1. ej sa e ki pagu kundershtarin.
    marre sput vjen me pare tu fitu…
    kjo nuk eshte box….

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Copyright © All rights reserved. | Newsphere by AF themes.