Eksperienca e Cleverlyt i dha fitoren atij

Shkruan: Agim Halili

Londër, 21 Prill 2013 – Nga afër e kam përcjellur çdo detaj të duelit Krasniqi dhe Cleverly dhe sjellë për Kosova Boxing këtë konstantim. Dueli ndërmjet Haxhi Krasniqit dhe Nathan Cleverly nuk doli siç e kishim paralajmeruar, ku besonim në fitoren e boksierit tonë. Që nga fillimi Krasniqi nuk arriti të kontrollojë situatën ashtu siç duhet dhe kjo shkoi në dobi të britanikut i cili nga raundi në raund rrite kontrollin e ndeshjes. Ndoshta paraqitja e tij e parë në Britani e bëri të veten, por trema tek Krasniqi u pa në fillim ku me lëvizje të pamatura të kokës, ku kontrolli i mungunte në vetëvete, dhe pakujdesia ishin shkaktar i humbjes së tij. Në fund mund të themi se Krasniqi hyri me respekt të madh ndaj Cleverlyt dhe jo ashtu siç e kishim pritur, ku pritëm një Krasniqi që e kemi parë në duelet  paraprake ku fitonte çdo herë. Duke njohur dinakërinë e anglezëve, Cleverly kishte freski më shumë se Krasniqi. Paramendoni mbaroi raundi i 12-të, dhe Cleverly ishte i freskët sikur të ishte raundi i parë. Dyshoj në përdorimin e ndonjë substance të palejuar.

Tashmë kjo etapë ka përfunduar, Krasniqi duhet të mobilizohet dhe të vazhdon me punë, dhe ti korregjojë gabimet ku i ka bërë, sepse të gjithë besojmë se me një luftë apo dy Krasniqi do të vije te rasti i dytë për titull bote sërish.