RTK

RTKLive
29 Mars, 2024

Analizë: Joshua apo Pulev!

2 min read

Artan Vërbica
11 dhjetor 2020

Anthony Joshua (23-1-0, 21 KO) nuk do ti lejoj më vetës të bëjë ndonjë gabim siç e kishte bërë kundër meksikanit Andy Ruiz Jr vitin e kaluar, duke i lejuar ta mposht me nokaut teknik pas një pakujdesie të papritur. Në revanshin e zhvilluar kundër Ruiz Jr, Joshua ishte i vëmendshëm dhe me menquri e mposhti Ruizin me vendim unanim. Sigurisht nga ajo humbje Joshua ka mësuar shumë dhe ai do të jetë i kujdesshëm edhe kundër Kubrat Pulev (28-1-0, 14 KO) nesër mbrëma.

Për Pulev i cili është 39 vjeçar ky meç do të jetë, “Jetë apo vdekje”, sepse atij nuk do ti ipet ndonjë rast i favorshëm nëse nuk e shfrytëzon këtë rast. Për bullgarin kjo do të jetë mundësia e tij e dytë pasi ai me 2014 sfidoi titullin e kampionit të botës kundër Wladimir Klitschkos, por që u mposht me nokaut në raundin e pestë.

Nëse e marrim parasysh vitin 2014 kur Pulev boksoi me Klitschkon dhe tani, mund të konkludojmë se atë botë Pulev ishte në top formë, por që nuk e shfrytëzoi rastin e tij jetësor. Kundër Klitschkos ishte një Pulev që nuk e kishim parë, një hije e një sfiduesi të vërtet i cili asaj përballje i kishte hyrë  me një tremë të madhe duke mposhtur vetë-vetën.

Do të jetë një meç mjaft i mirë duke njohur dy boksierët. Joshua sigurisht që do të mundohet që luftën e tij ta mbaj në distancë dhe nëse i vije rasti me snajperin e tij ta denoj bullgarin. Ndërsa që Pulev sigurisht që ka analizuar mangësit e Joshuas, sidomos ato që i ka bërë kundër Ruiz Jr dhe sërish ta fut nën presion dhe ta denoj nga afërsia britanikun.

Në boks nuk ka favorit apsolut e sidomos në kategorinë e rënd, por duke njohur potencialin e Joshuas, atëhere ai konsiderohet favorit në këtë përballje. Joshua është në një moshë ideale 31-vjeç, ka përvojën që e ka ndërtuar  me vite, ai është në ekipin më të mirë në botë Matchroom, këto do të janë përparsit e mëdha të tij. Asgjë nuk është e pamundur por duke ditur se Pulev është në një moshë të shtyer, 39 vjeçar, vështirë që do të mund të bëjë befasinë.

www.kosovaboxing.org

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Copyright © All rights reserved. | Newsphere by AF themes.