RTK

RTKLive
28 Nëntor, 2021

Meriton Karaxha do të prek majën e boksit botëror

2 min read

Meriton Karaxha vs. BIBI ONDOUADisa kanë ndëgjuar për te, disa akoma do të ndëgjojnë, por kjo ka pak rëndësi për boksierin tonë Meriton Karaxha i cili për katër vite në boksin profesionist ka shënuar rezultate kulminante, duke shënuar 11 fitore (4 KO) dhe katër humbje në gjithsejt 15 meçe. Edhe pse ka pësuar 4 humbje me pikë, ai ka pasur guximin ti dal përballë boksierëve më të mirë në Belgjikë dhe Evropë duke fituar respekt të madh. Drenicaku nga Çikatova e vjetër, i rritur në Belgjikë nuk harron asnjëherë nga vjen. Ai është i motivuar dhe i vendosur të prek majën e boksit botëror dhe për këtë ka kapacitete.

Katër humbjet e tij janë aksidentale për shkakë të menaxhimit të keq, por për këtë Karaxha nuk e qanë kokën pasi ai është i pjekur si boksier dhe si personalitet. “Kam boksuar me më të mirët si Jean Pierre Bauwens që kishte 37 fitore, 2 humbje dhe një barazim dhe ishim afër dhe nuk tregova respekt aspak për te. Pastaj dy humbjet nga një boksier i respektuar si Ahmad El Ahmwi me të cilin u dëmtova nga gjyqëtarët, pasi boksova në vendin e tij, por unë vazhdova dhe nuk e qajë kokën, pasi jam edhe më i fortë” thekson Karaxha për Kosova Boxing.

Karaxha nesër mbrëma ka një tjetër duel të rëndësishëm. Ai bokson kundër franqezit, Bibi Ondoua (12-6-1, 1 KO). Ky meç do të zhvillohet në Gent të Belgjikës dhe do të jetë në tetë raunde. Bastoret favorizojnë franqezin i cili mban koutën 1.45, ndërsa Karaxha 2.50. Barazimi kap shifrën 13.0.

“Më pëlqen që mos të jam favoritë. Por, unë nesër do t`ju tregoj të gjithëve se e kanë pasur gabim” tha Karaxha.

Për të vlerësuar më shumë Meriton Karaxhën ne kontaktuam ish-boksierin e mirënjohur, Selajdin Koxhën, dikur kampion i Belgjikës dhe shteteve të Benelux-it. Ai njeh rrethanat mirë në boksin belg dhe e njeh mjaft mirë boksierin Meriton Karaxha. “Meritoni është një trim i vërtetë. Një boksier i cili asnjërit nuk i ka thanë jo. Ai ka mbuluar tri kategoritë, super bantam, të lehtën dhe super të mesmën. Është boksier shumë i mirë. Humbjet që i ka të rregjistruara nuk janë reale. Nesër pres fitore, ai do të dëshmohet” tha Koxha për Kosova Boxing.

Artan Vërbica
30 mars 2017 

 

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Copyright © All rights reserved. | Newsphere by AF themes.