Lëndohet Orial Kolaj. Anulohet përballja me spanjollin Chadlioui

Vetëm një ditë pasi publikuam disa fotografi ekskluzive nga sparringu ku gjithçka dukej të ishte në rregull, Kolajt sot iu shfaq një lëndim i papritur ku atij iu thy gishti i mesëm i dorës së majtë. Ky lajm i keq vjen në një moment të papritur për shumë adhurues të boksit italian dhe atij shqiptarë.

“Më vjen keq për gjithë adhuruesit. Isha i përgatitur maksimalisht, por ja që ndodhi diçka që nuk e kisha pritur” theksoi Kolaj për Kosova Boxing.

E gjithë ngjarja u anulua pasi meçi i Kolajt ishte kryesori kundër spanjollit Mustafa Chadlioui. Tani Kolaj duhet të pushoj së paku tre javë për t`iu rikthyer stërvitjeve.

“Shpresoj që nga fillimi i vitit të ri të caktohet data e re e kësaj përballje dhe do t`ju lajmëroj për të gjitha” tha Kolaj.

www.kosovaboxing.org
21 nëntor 2017