Besim Kabashi kundër Andrei Manzolo me 20 Mars

Photo : Rene Cerny

Ekipi Steko Fight Night nga Munihu,  e kan gjetur kundërshtarin e radhës për Besim Kabashin. Lajmin e ka bërë të ditur kick-boxieri ynë për KosovaBoxing.org :”Kundërshtari im i radhës do të jetë estonezi, Andrei Manzolo. Nuk e njohë shumë kundërshtarin, por unë jam duke u përgaditur dhe besoj që edhe kësaj radhe do ta mbrojë titullin si gjithëherë” deklaroi Kabashi.

Steko Fight Night e kanë caktuar datën e takimit për kick-boxierin tonë, muaj më parë, por kishte disa gjëra që nuk ishin vendosur deri më tani. Dueli siç e kemi publikuar më
pare, do të mbahet me 20 Mars në Munih të Gjermanisë. Kabashi është kampion i versionit WKA deri – 91 kg. Ai në një të ardhme të afërt do të sfidoj edhe brezin tjeter, +91 kg të versionit WKA.

Më shumë rreth kundërshtarin e Besim Kabashit do t`ju japim në ditët në vijim., ku do t`ju japim një pasqyrë të gjërë rreth këtij dueli.

Artan Vërbica
25 Shkurt 2010