Besar Nimani kundër Emre Altintas me 16 Korrik

Boksieri ynë perspektiv Besar Nimani ka mësuar kundërshtarin të cilën do të përballet këtë fundjavë. Dueli do të zhvillohet në qytetin Bielfield të Gjermanisë. Ai do të takohet me turkun Emre Altintas i cili është i pamposhtur deri më tani. Altintas ka bilanc prej 7 fitoreve (4 KO), dhe 1 Barazimi. Ai është i gjatë 190 cm dhe për Nimanin do të jetë hera e parë që do të zhvilloj ndonjë meç me ndonjë boksier të gjatë sikurse Altintas, ku do të jetë sfida më e madhe për boksierin tonë. Nimani në pesë meçet e zhvilluara në boksin profesionist, ka shënuar të gjitha me fitore, të gjitha me KO. Altintas është boksier shumë fortë dhe shquhet si boksier kondicional, dhe Nimani do të sprovohet në këtë duel, ndoshta për të boksuar të gjitha raundet. “Kam ndëgjuar se Altintas është boksier shumë i fortë, por unë jam i përgaditur maksimalisht dhe i përgaditur për çdo kundërshtar. Shpresoj të dal fitues” theksoi Nimani për Kosovaboxing.org. Ky duel do të zhvilohet në gjashtë raunde dhe do të jetë i pari për Nimanin që do të zhvillon meç në gjashtë raunde.

Kosovaboxing.org
13 Korrik 2011