Grand Casino, Basel, 15 dhjetor 2018 – Arnold Gjergjaj ka shënuar një fitore të vlefshme duke u ngritur më lartë në plasman në renditjen e boksierëve në kategorinë e rënd. Gjergjaj (32-2-0, 24 KO) përballë pati boshnjakun Mirko Tintor (14-3-1, 7 KO) të cilin arriti ta mposht me nokaut në raund të katërt.

Me këtë fitore Gjergjaj rikthen vetëbesimin e tij. Gjergjaj në dhjetor të vitit të kaluar pësoi humbje nga irlandezi Sean Monoghan. Nga ajo humbje boksieri ynë mori vetën dhe nuk u dorëzua duke u rikhtyer me një fitore në muajin shtator ndaj gjeorgjianit Gogita Gorgiladze me nokaut në raund të dytë dhe tani vjen fitorja e radhës ku Gjergjaj kërkon sërish sukseset e tjera. 

Në këtë mbrëmje boksoi edhe Faton Vukshinaj. Vukshinaj (9-0-1, 6 KO ) mposhti çekun David Bauza (6-7-3, 3 KO) me vendim unanim pas tetë raundeve.

www.kosovaboxing.org 
16 dhjetor 2018