RTK

RTKLive
17 Nëntor, 2026

Bajrami dhe Rrustemi triumfojnë në Lucern

1 min read

tefik vs behluloviq erzen rrustemi 2Littau, Lucern, Zvicër, 24 Shkurt 2013 – Dy boksierët tanë Tefik Bajrami dhe Erzen Rrustemi kanë triumfuar me ndërprerje në duelet e tyre të radhës. Bajrami 6-2-0 (3 KO) përball kishte boksierin boshnjak Elvir Behluloviq 1-16, të cilin e mposhti me nakaut klasik në raundin e katërt. “Kundërshtari im ishte mjaft i papërshtatshëm. Deri në raundin e katërt nuk arrita të gjej metodën time për ta nakautuar, më pastaj e gjeta goditjen përfundimtare. Jam i lumtur me fitoren” theksoi Bajrami për Kosova Boxing.

Në këtë mbrëmje boksoi edhe Erzen Rrustemi i cili zhvilloi meçin e dytë në boksin profesionist. Rrustemi 2-0 (2 KO) boksoi kundër boksierit turk i cili kishte mjaft eksperiencë Muhammed Ali Durmaz 7-15-0 (6 KO) të cilin e mposhti me nakaut në raundin e dytë. “Durmaz hyri me furi të plotë kundër meje. E kisha parasysh eksperiencën që ka më tepër se unë në boksin profesionist. Pranova dy goditje të fuqishme që në raundin e parë. Por në raundin e dytë e pashë se ai të gjithë potencialin e kishte humbur në raundin e parë dhe unë fillova të sulmoj ku e mposhta me disa goditje të sakta para kohe” theksoi Rrustemi për Kosova Boxing.

Artan Vërbica
24 Shkurt 2013

 

 

 

About The Author

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Copyright © All rights reserved. | Newsphere by AF themes.