Linares mbron titullin e kampionit të botës, ndërsa Matthysse shpallet sërish kampion i botës në WBA

1 min read

6 vjet ago artanverbica

Forum, Inglewood, Kaliforni, SHBA, 27 janar 2018 – Venezuelasi, Jorge Linares (44-3-0, 27 KO) ka mbrojtur titullin e kampionit të botës në kategorinë e lehtë në versionin WBA duke mposhtur filipinasin Mercito Gesta (31-2-2, 17 KO) me vendim unanim pas 12-raundeve.

Linares e dominoi meçin për gjatë gjithë raundeve ku në fund gjyqëtarët vlerësuan fitoren e tij, dy me 118-110 dhe njëri me 117-112.

Në parameç boksoi edhe ish-kampioni i botës, Lucas Matthysse (39-4-0, 36 KO) me tajlandezin, Tewa Kiram (38-1-0, 28 KO). Dueli ishte i vlefshëm për titullin vakant në kategorinë velter në versionin WBA. Meçi ishte mjaft interesant dhe i paparishikueshëm dhe mjaft sfidues. Matthysse u gjetë në pozitë të vështirë në raund të katërt pasi mori një premje në syrin e majtë, por që vazhdoi duke kërkuar rastin e tij që sërish të shpallet kampion i botës. Dhe në raundin e tetë Matthysse gjenë gabimin e Kiram duke e rrëzuar një herë në nokdovn e pastaj duke e nakautuar.