RTK

RTKLive
17 Nëntor, 2026

Xhilla dhe Rrustemi fitojnë me KO

2 min read

agron xhilla 2Elzach, Baden-Württemberg, Gjermani, 13 Prill 2013 – Agron Xhilla ka pritur dy vite për t`ju revanshuar boksierit çek Roman Vanicky. Xhilla ka vetëm një humbje dhe atë të padrejtë ku  ishte vodhur atë botë. Por mbrëmë në qytetin Elzach, Xhilla tregoi potencialin e tij duke iu dashur vetëm 15 sekonda ku i shkaktoi humbjen e thellë.

Xhilla ka rekordin tani prej 18 fitore (14 KO) dhe të vetmën humbje nga Vanicky. Ndërsa Vanicky regjistroi humbjen e 33-të në karrierë karshi 14 fitore (8 KO) dhe një barazimi.

“Jam shumë i kënaqur me këtë revansh që e kam pritur qe dy vite dhe besoj se i tregova të gjithëve nivelin tim dhe të Vanickyt” theksoi Xhilla për Kosova Boxing.

Ai tregoi dhe për duelet e radhës, ku do të ketë edhe një përballje tjetër para verës, deri sa në muajin Korrik do të zhvilloj një duel në vendlindjen e tij në Strugë.

“Do të zhvilloj edhe një meç para verës, ndërsa në Korrik do të paraqitem para qytetarëve të mi në Strugë. Kjo ëndërr është e kahmotshme të paraqitem para njerëzve të mi” tha Xhilla.

Foto 1Foto 4I sukseshëm ka qenë edhe Erzen Rrustemi i cili sikurse Xhilla, duelin e përfundoi në raund të parë. Rrustemi tashmë me rekord 3-0 (3 KO) boksoi kundër kroatit Petar Mrvalj 2-2 (1 KO) duke e nakautuar në raundin e parë. Rrustemi i shkaktoi humbjen e dytë në karrierë.

Në matjet zyrtare një ditë para kroati Mrvalj ishte mjaft agresivë, gjë që e sulmoi Rrustemin në matje zyrtare, mirëpo ndërhyri supervisori i kësaj ngjarje Mirko Skoko duke parandaluar më të keqen. Ndërsa Rrustemi si një gjentelmen i vërtet vetëm se e shikoi si të krisur duke qeshur me sjelljet e tij.

Rrustemi u nda shumë i kënaqur me fitoren e arritur. Ai deklaroi për Kosova Boxing: “Jam shumë i gëzuar që fitova. Iu shmanga provokimit të kroatit, ishte disi e papritur. Prita ditën e përballjes ku tregohet forca e çdo njerit, ku fitova me ndërprerje. Këtë fitore ia dedikoj gjyshit tim i cili vdiç disa ditë më parë” theksoi Rrustemi. Në këtë mbrëmje ndeshjet i referoi miku i madh i agjensionit tonë Kosova Boxing dhe Federatës së boksit profesionist të Kosovës, Jozo Gabric.

Artan Vërbica
14 Prill 2013

About The Author

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Copyright © All rights reserved. | Newsphere by AF themes.