Manchester Arena, Angli, 9 qershor 2018 – Ngjarja e fundit që ishte mjaft interesante për çdo shqiptarë ndërmjet boksierit Sefer Seferi dhe Tyson Fury u mbyll me dorëzim nga Sefer Seferi në përfundim të raundit të katërt.

Që në prezantimin e parë në paraqitjen për media “Work Out”, por edhe në matje zyrtare u pa që Seferi nuk është nivel i Fury-t, arsyeja e gjithë kësaj ishte dallimi në peshë dhe gjatësi, ku Fury dukej si një gjigant i vërtetë kundrejt Seferit. Fury 206 cm, Seferi 185 cm, një dallim i madh. Kjo edhe i shfaq në mbrëmjen e së shtunës ku Seferi nuk kishte asnjë gjasë për shkak të dispozitave, ndërsa që sa meçi vazhdonte u shihte pa aftësia e Seferit, ndërsa që Fury ngrite nivelin e tij. Në këtë rast Seferi në fund të raundit të katërt u dorëzua, kjo ishte e tëra ai që mundi ta bënte.

Për Seferin kjo është humbja e dytë në karrierë, karshi 23 fitoreve (21 KO). Ndërsa që Fury (26-0, 19 KO) u rikthye drejt një fitore të madhe. Ai duelin e radhës do ta ketë me 18 gusht në Belfast të Irlandës Veriore në parameç të Carl Frampton.

Gjykimet kanë qenë të shumta se a do të duhej të përballej Seferi me Fury-n apo jo! Ky meç u zhvillua, Seferi u mundua, dha aq sa mundi dhe humbja ishte e pa kontestueshme. Seferi duhet të vazhdoj rrugën e tij në kategorinë kruzer aty ku e ka vendin ku besojm që do të ketë ndonjë mundësi të artë.

Në këtë vikend boksoi edhe vëllai i Seferi Nuriu, i cili poashtu humbi me pikë në Gabon të Afrikës kundër afrikanit vendas Taylor Mabika me vendim unanim për titullin WBC Francophone.

www.kosovaboxing.org
11 qershor 2018