Sandor Martin shënon fitore të madhe kundër Mikey Garcia

Spanjolli Sandor Martin para 8000 shikuesve në Chuckchanski park në Kaliforni, ka befasuar të gjithë botën mbrëmë me fitoren madhështore ndaj amerikanit të njohur, ish-kampionit të botës në katër kategori të ndryshme, Mikey Garcia.

Garcia (40-2-0, 30 KO) që cilësohej favorit dhe ka pasur suksesë me gjithë majtakët deri më tani, nuk e pati lehtë kundër Martin (39-2-0, 13 KO) i cili çdo herë ndërpreu agresivitetin e njohur të Garcias, i cili nuk arriti ta përdor ndaj boksierit katalunas.

Pas 10 raundeve, dy gjyqëtarë vlerësuan fitoren e Martin (Gerard White dhe Carla Caiz, 97-93 për Martin), ndërsa (Zachary Young, 95-95).

Kjo fitore e madhe e për 27-vjeçarin Martin rritë dëshirën dhe entuziasmin e boksierit spanjoll i cili ishte kampion evropian nga viti 2019. Ai më parë nënshkroi me Matchroom dhe kjo mundësi iu shpërbly me këtë sukses madhështor duke i dëshmuar edhe promoterit anglez Eddie Hearn, që nuk ka gabuar me vendimin e përbashkët.

Martin do të marrë mundësin shumë shpejt të sfidoj titullin e kampionit të botës.

Artan Vërbica – 17 tetor 2021