Kreshnik Qato shënon fitoren e parë këtë vit

York Hall, Londër, Angli – Kreshnik Qato 22-6 (4 KO) ka shënuar fitore kundër litvanezit Alex Spitko 6-22 (4 KO) me anë të pikëve pas 6-raundeve. Kjo luftë u zhvilua në stilin e gjykimit anglez, ku gjyqëtari e gjykon raundin dhe poashtu e ndan drejtësinë. Ky sistem ende praktikohet në Angli deri sa në vendet tjera evropiane dhe botërore, duelet gjykohen me tre gjyqëtar reth ringut. Kjo luftë ishte paraduel i luftës së Qatos që do të zhvillohet me 1 Maj në Tiranë.

Kreshnik Qato në Shqipëri do të boksoj për titullin WBF – “World Boxing Federation” në kategorinë e mesme. Kundërshtari ende nuk është përcaktuar, por pritet që shumë shpejt të dihet.

Redaksia – KosovaBoxing.org
22 Mars 2010