Ëndrra shqiptare për të pasur një kampion bote, ende larg

haxhi krasniqiLondër, 20 Prill 2013 – Haxhi Krasniqi nuk ka arritur të mposht kampionin e botës Nathan Cleverly sonte. Krasniqi është munduar të bëjë më të mirën, por Cleverly ka treguar shumë më shumë se boksieri ynë. Edhe pse Krasniqi nuk ka treguar respekt aspak për britanikun disa ditë më parë, si në konferencë për gazetar ashtu edhe në matje zyrtare, ai në ring hyri pa vetë besim në veti. Ishte Cleverly ai që startoi mirë duke mos e respektuar Krasniqin, deri se Krasniqi ishte krejtësisht i hutuar. Ky hutim nga Krasniqi dhe dominim i Cleverlyt zgjati plotë pesë raundet e para ku Cleverly fitoi çdo raund, deri sa Krasniqi asesi të gjejë vetë-vetën. Në raundin e gjashtë Krasniqi shpërtheu duke fituar raundin pastërt, dhe të shtatin poashtu pati çastet e tij, por ishte kjo e tëra që bëri, ku më pastaj Cleverly mori plotësisht meçin në dorë, duke e kontrolluar deri në fund. Të tre gjyqëtarët e vlerësun fitoren e thellë të Cleverlyt. Dennis Nelson 119-109, Zsoltan Envedi 120-108 dhe Phil Edwards 120-108.

“Dueli ishte i vështirë, u ndjeva mirë në ring, u mundova të përfundojë duelin, por ishte vështirë”, tha Cleverly pas duelit për Frankwarren.tv

Gjithësesi duhet lavdëruar karakterin e Krasniqit i cili u mundua për 12-raunde duke dhënë më të mirën. Shpresojmë që kjo humbje të mos e demoralizojë dhe të vazhdon rrugën e ndjekjes së titullit botëror. Por, ëndrra shqiptare për të pasur një kampion bote duket e shumë larg.

Foto: Eroll Popova

Artan Vërbica
20 prill 2013