Karaxha mposhtet në Belgjikë, Uldedaj triumfon në Gjermani
1 min readDy boksierët tanë perspektiv Meriton Karaxha dhe Jurgen Uldedaj kanë zhvilluar përballjet e tyre këtë funjavë. Karaxha boksoi në Ghent të Belgjikës, ndërsa Uldedaj boksoi në Sachsen-Anhalt të Gjermanisë.
Humbje të papritur pësoi boksieri që po tregohet mjat i mirë në Belgjikë, Meriton Karaxha (9-2-1, 3 KO). Pas tetë raunde krejtësisht luftë nga dy boksierët, tre gjyqëtarët fitues e vlerësuan belgun Jean Pierre Bauwens (38-2-1, 22 KO). Ky meç ishte mjaft i fortë për boksierin tonë, ndërsa agjencioni ynë Kosova Boxing përgëzon boksierin tonë për shfaqjen e tij dhe guximin që ka treguar ndaj boksierit me shumë përvoj dhe shumë të fuqishëm që është Bauwens.
Tre gjyqëtarët vlerësuan Bauwensin fitues, 78-74, 78-74 dhe 79-73.
“Do ti hakmirem. Më është premtuar revanshi” theksoi Karaxha pas meçit për Kosova Boxing.
“Ai është boksier i fortë, por unë në ballafaqim me te, e pashë që mundem ta mposht. Përvoja e tij e bëri të vetën. Do të kthehem edhe më i fortë” tha Karaxha.
Uldedaj (2-0) boksoi meçin e dytë profesionist. Ai përball pati gjermanin Sven Haselhuhn (9-15-0, 2 KO) të cilin arriti ta mposht pas 4 raundeve. Uldedaj dominoi meçin ku fitoi të gjitha raundet.
Artan Vërbica
30 prill 2016