Njëri ndër boksierët me më perspektivë në botë, australiani me origjinë shqiptare Ibrahim Balla (12-1-0, 7 KO) do të zhvilloj meçin e ardhshëm me 21 tetor në Melbourn të Australisë. Ai përballë do t`a ketë boksierin nga Tanzania, të pamposhturin Salim Mtango (9-0, 6 KO). Ky meç do të jetë i vlefshëm për titullin WBA të oqeanisë apo “WBA Oceania” në kategorinë pendël.

Balla renditet i 82-ti nga enti për statistika në boxrec.com, ndërsa Mtango i 147-ti. Meçi do të jetë sfidues dhe do të mund të sjellë titullin e pestë në karrierë për Ballën. Ai më parë ka fituar titujt e “Victoria State” në kategorinë super bantam, pastaj titullin e Australisë në dy kategori të ndryshme në super bantam dhe pendël. Si dhe titullin “WBA Oriental” në kategorinë pendël. Titulli i Oqeanisë do të fut atë në TOP-15 në versionin WBA.

Sikur se Balla që ka rezultate kulminante dhe tituj të fituar edhe Salim Mtanga ka fituar tituj të çmuar. Ai në Australi vjen si kampion i Tanzanisë. Kuptohet në Afrikë mundësit për tituj bote janë më të kufizuara dhe më pak të mundshme.

www.kosovaboxing.org 
27 shtator 2017