Garcia mposht Redchak-in, Pacquiao kundërshtari i ardhshëm!
1 min readNë prani të 8,217 shikuesve në Barclays Center në New York, ish-kampioni botëror në dy kategori të ndryshme, Danny “Swift” García (36-2, 21 KO) ka shënuar mbrëmë fitore me vendim unanim pas dymbëdhjetë raundeve kundër ukraianasit Ivan “El Terrible” Redkach (23-5-1, 18 KOs).
Të tre gjyqëtarët e vlerësuan fitoren e thellë të Garcias, dy prej tyre 117-111 dhe njëri 118-110. Meçi ishte i rëndësishëm, eliminator në kategorinë velter në versionin WBC.
Garcia i renditur i dyti në versionin WBC jo rastësisht ka përzgjedhur Redkach i renditur i 25-it në WBC, për një arsye. Redkach është majtak dhe ai këtë meç deshi të shfrytëzoj si një parameç kundër Manny Pacquiaos, i cili poashtu është majtak. Por, ka gjasa që Garcia të boksoj edhe kundër Erol Spence Jr.
“Për tetë javë kam humbur 11.5 kg, vetëm e vetëm të jam i gatshëm. Dua që sërish të kthehem në palestër dhe të stërvis sa më shumë, të jem i gatshëm për sfidat e mëdha që më presin” theksoi Garcia pas meçit.
Garcia në këtë mbrëmje ka pasur të boksoj me kampionin e botës, Erol Spence Jr, por ku i fundit për shkak të alsidentit që kishte më parë me automjet, është detyruar të largohet për një kohë deri sa të aftësohet.
www.kosovaboxing.org
26 janar 2020