KosovaBoxing.org - Kosova Boxing !

Shendrit Hotjani kundër Goran Delic me 3 Mars

artanverbica — Sat, 04 Feb 2012 10:51:22 +0000

Boksieri ynë Shendrit Hotjani do të kërkoj fitoren në meçin e revanshit kundër serbit nga Banja Lluka, Goran Deliç. Hotjani i cili boksoi në nëntor të vitit të kaluar me Deliç tregoi boks të mirë, ndërsa humbi me anë të pikëve pas gjashtë raundeve. Tani pas vetëm tre muajve të përballjes së parë Hotjani do të kërkoj ti revanshohet serbit nga Bosna e Hercegovinës. Ishte bërë bujë nga meçi parë ku Hotjani ishte më i mirë, ndërsa këtë nuk e kishin pranur kampi i tij duke kërkuar revanshin dhe të dy palët ranë në ujdi për revansh. Deliç për disa media serbe kishte deklaruar se kësaj radhe do të mund me KO. Meçi do të zhvillohet në Mynih me 3 Mars në republikën Bayern në Impact Gym. Hotjani deri më tani ka zhvilluar 12 duele profesioniste ku ka shënuar 8 fitore (3 KO), 3 humbje dhe 1 barazim, ndërsa Deliç ka rekord qindpërqind 20-0 (3 KO). Edhe dueli i dytë i tyre do të zhvillohet në 6 raunde.

Kosovaboxing.org
4 Shkurt 2012

Shperndaje Kete

Sefer Seferi kundër Angermann me 11 Shkurt

artanverbica — Sat, 04 Feb 2012 09:59:46 +0000

Foto: Kosovaboxing.org
Sefer Seferi do të ngjitet në ring javën e ardhshme në Hamburg të Gjermanisë ku përball do të ketë boksierin gjerman, Marko Angermann. Seferi deri më tani ka zhvilluar 14 meçe, ku ka shënuar 14 fitore (13 KO). Kundërshtari i tij Angermann ka rekord prej 8-8-0 (2 KO) dhe shquhet një boksier mjaft i mirë me një përvoj të madhe. Dueli do të zhvillohet në 6 raunde. Seferi vitin e kaluar ka zhvilluar dy meçe duke fituar hungarezin Gabor Zsalek në Gostivar dhe Josip Jalusic në Burgdorf të Zvicrës.

Kosovaboxing.org
4 Shkurt 2012

Shperndaje Kete

Shuhet nga jeta traineri legjendar Angelo Dundee

artanverbica — Thu, 02 Feb 2012 04:50:04 +0000

Sot me 1 Shkurt në Florida, ka ndruar jetë në moshën 90-vjeçare, traineri “Hall of Fame”, Angelo Dundee. Traineri Dundee ka qenë çelësi i suksesit të Muhammed Alisë për 15-vite me radhë duke arritur fitore të papërsëritshme ndaj Goerge Forman, Leon Spinks, Joe Fraizer, etj. Motivatori kryesor i cili për shumë vite i qëndroi besnik në kënd çdo herë Muhammed Ali, ka ushtruar edhe disa boksier tjerë duke qenë i sukseshëm edhe me ato, si Sugar Ray Leonard, Jose Napoles, George Forman, Jimmy Elllis, Carmen Basilo, Luis Rodriguez dhe Willie Pastrano.

I lindur në Filadelfia, në qytetin e boksit, ku ka filluar me zejen e boksit, për të vazhduar në New York dhe më pastaj në Miami për të mësuar strategjinë për boksin. Carmen Basilo ka qenë kampioni i parë botëror për Dundeen. Ai më pastaj punoi edhe me të riun Cassius Clay, ku Dundee u bë i njohur nëpërmjet Alisë. 15-vite pune me Ali dhe sukseset ndaj shumë fitore ndaj boksierve të njohur si Jerry Quary, Oscar Bonavena, Joe Fraizer, Floyd Patterson, George Forman, Ken Norton, dhe më pastaj Leon Spinks. Fama e tij u rrit me 1974 në Zairë në meçin “Rumble of the Jungle” ku strategjia dhe teknika e tij e arriti fitoren ndaj Forman, ku mori mirënjohje të madhe në këtë fitore të Alisë. Pas shumë vitesh, dhe rikthimit të George Forman, ishte Dundee që së bashku Forman fitoi sërish titullin e kampionit botëror ndaj Michael Moorer.

Angelo Dundee ka arrit që me 15 boksier të bëhet kampion i botës.

Pas punës së trainerit ai ishte edhe këshilltar special i Oscar De La Hoyes në meçin kundër Manny Pacquiao. Dundee kontriboi shumë edhe në realizimin e filmit Cinderella Man, ku poashtu e mësoi aktorin Rusell Crowe se si të karakterizon James Bradock.

Para se të vdiste kishte theksuar se është i lumtur që ka arritë të feston ditëlindjen e 70-të të Muhammed Alisë.

Njerëzit e mëdhenjë shuhen një ditë, por veprat e tyre mbesin. Dundee do të kujtohet gjithnjë si njëri ndër trainerët më të mirë në histori të boksit.

Artan Vërbica
1 Shkurt 2012

Shperndaje Kete

Analizë: Klitschko apo Chisora fitues me 18 Shkurt ?

artanverbica — Tue, 31 Jan 2012 10:50:29 +0000

Dy javë na ndajnë nga meçi Vitali Klitschko dhe Dereck Chisora, ku ky meç pritet me padurim nga gjithë spektatorët e boksit. Vëllezërit Klitschko më nuk mund ti quajmë jo kampion të vërtet, sepse në vitin që lamë pas, ata e dëshmuan një gjë të till duke treguar vetën. Vitali udhëtoi në Poloni ku mposhti Thomasz Adamek para 40.000 shikuesve polak, ndërsa Wladimir mposhti kërcnimin më të madh, kampionin botëror David Haye duke unifikuar titujt botëror, duke treguar botës se nuk janë rastësisht kampion bote. Tani në vitin 2012 sërish vjen një duel interesant, ai ndërmjet Vitali Kltschkos dhe britanikut Dereck Chisora, ku edhe ky meç do të sjell të veçantat e tij. Dereck Chisora ishte paraparë që vitin e kaluar të boksoj me Wladimir, por ky i fundit e anashkaloj duke unifikuar titujt me David Haye, dhe tash vjen një rast tjetër me vëllaun tjetër Vitalin. Dueli që do të zhvillohet në Mynih në Gjermani, nuk ka më mirë se si të filloj për një stinor që pritet të sjell të veçantat e tij. Disa spektator presin ndërprerjen e dominimit të Klitschkove, por disa dëshrojnë që Klitschkot të mbajnë ende fronin e mbretërve në kategorinë e rënd. Po shumë adhurues të boksit e pyesin vetëvetën e mund të ndalet Klitschko nga Chisora ? Kjo mbetet të shifet! Vitali ka mbushur të 40-at dhe po bokson ende në nivel të lartë, rasti i fundit ishte kundër Adamek. Por, nëse analizojmë Chisoran, ai humbi dy meçe vitin e kaluar, por u tregua gladiator i vërtet. Chisora humbi nga britaniku tjetër Tyson Furry me vendim unanim, por Furryt iu dha më shumë pikë nga gjyqëtarët pasi Furry është tipik anglez, ndërsa Chisora ka preardhje nga shteti afrikan që dikur ishte koloni angleze, Zimbabve. Ai u kthye nga ajo humbje me fitore ndaj Remigijus Ziausys, duke pranuar më pastaj ofertën për të boksuar për titullin e kampionit evropian ndaj Robert Helenius në Finlandë. Chisora prapë e dëshmoj vetën duke treguar luftë të fortë dhe duke u treguar panter i vërtet. Atij iu bë padrejtësi prapë ku dy gjyqëtarë vendosën për Helenius dhe një për Chisora. Të gjithë e panë se Chisora fitoi, por kjo ndodh kur bokson në ndonjë ring të huaj. Se Chisora nuk frikësohet nga askush e dëshmon fakti që pranoi të boksoj edhe ndaj Vitalit, e mbrëmja e 18 Shkurtit do të na sjell emocione. Ai paralajmëroi Klitschkon duke i thënë: “Unë do të ndaloj atë. E kam blerë një taksi të zi enkas për Klitschkon, për ta transferuar në frigorifer pas duelit” theksoi Chisora ditë më parë për mediat britanike. Ndërsa Klitschko duket i ftohtë si gjithnjë, duke thënë se edhe Chisora është kundërshtar si tjerët. “Kam respekt për te. Ai mposhti kampionin evropian Helenius, dhe është i respektuar. Nuk e kam zgjedhur rastësisht, sepse meriton të përballet me mua. Sa i përket fituesit, unë do të jam ai që fitoj, dhe Chisora do të ketë fatin si të tjerët” tha Vitali Klitschko.

Pas këtij dueli ku Vitali Klitschko beson në fitoren e tij, ai shpreson për një përballje tjetër, atë me David Haye. Kjo përballje pritet të zhvillohet ka fundi i vitit. Por çdo gjë do të varët nga fituesi i Klitschko dhe Chisora. Se a do të jetë Chisora njeriu i cili do të ndal njërin nga Klitschko, do të shofim me 18 Mars në Mynih.

Artan Vërbica
31 Janar 2012

Shperndaje Kete

Badr Hari mposht Gokhan Saki me KO

artanverbica — Sun, 29 Jan 2012 17:46:41 +0000

Leeuwarden, Holandë, 27 Janar 2012- Legjenda e kick-boxit marokeni Badr Hari 78-11 (64 KO) është rikthyer mbrëmë me fitore spektakualre me KO ndaj turkut Gokhan Saki 75-14 (53 KO). Badr Harit iu desht vetëm pak kohë në raund të parë duke përfunduar meçin para kohe. Hari ka në plan të debutoj në boksin profesionist dhe ky meç mund të jetë i fundit i tij në kick-box. Ai është vetëm 27-vjeçar dhe ka mundësi të mirë të tregohet i mirë edhe në boksin profesionist.

Kosovaboxing.org
29 Janar 2012

Shperndaje Kete

Jetmir Kuçi: U detyrova të dorëzoj meçin

artanverbica — Sun, 29 Jan 2012 17:26:41 +0000

Boksieri ynë i njohur nga Shkodra, Jetmir Kuçi rëfen për atë që ka ndodhur në mecin e fundit në Trnava para dy ditësh, këtë e jap ekskluzivisht për Kosova Boxing. Kuçit i vjen keq për simpatizuesit e tij dhe adhuruesit të tij që kanë pritur nga ai. Kishim një pritje mjaft të mirë nga organizatori, mirëpo ajo që ndodhi në ring ishte e pakuptimtë” thekson Kuçi i cili nuk i ka ndodhur asnjë herë diçka e till. ”E kam ditur se në Sllovaki duhet ta rrëzoj kundërshtarin, se për ndryshe nuk do të fitoj, por ishte edhe më keq, ku gjyqëtari filloi që nga raundi i parë të mos lejoj të boksoj siç dëshirova unë. Në raundin e parë mora një vërejtje publike, ndërsa Szili i cili shquhet me goditje të forta unë nuk kam pranuar asnjë goditje në asnjë raund. Unë e kisha analizuar atë dhe kam pas për qëllim që të bllokoj gjuajtjet e tij dhe e bëra mjaft mirë, por që në fillim të raundit të parë mora vërejtjen e parë, kinse për ulje të kokës. Në raundin e dytë dhe të tretë isha unë që ia lash mesin e ringut dhe godita mjaft mirë nga kundërsulmet, por edhe e ndërpreja gjuajtjet me klinç që funksiononte. Në raundin e tretë sërish me dha dy vërejtje dhe e pash që unë po humbase dhe e dorëzova meçin duke shfaqur paknaqësin time. I gjithë publiku ishte me mua, të cilët filluan edhe të thrasin emërin tim, duke parë padrejtësin” thekson Kuçi.

“Më vjen keq nga të gjithë adhuruesit e mi. Besoj do të kthehem me fitore tjera” tha Kuçi në fund për Kosovaboxing.org.

Matchmaker i këtij meçi ishte Artan Vërbica i cili u ankua me një shkresë të drejtuar organizatorit, dhe morëm një përgjigje se do të kemi inqizimin e meçit CD-n ku nga ata çdo gjë ishte në rregull. Kosova Boxing nuk pati mundësi të ndjek nga afër meçin për arsye se Sllovakia ende nuk ka pranuar Kosovën si shtetë të pavarur. Do të tregojmë xhirimin të gjithë adhuruesve dhe poashtu do të ankohemi në organin e EBU-së, ku FboxprofK-së është e pranuar me të gjitha drejtat. Kuçi bokson me licencë të Federatës Profesioniste boksit të Kosovës dhe do të ketë mbështetje nga të gjithë personeli i FboxprofK-së, në krye me kryatarin Bekë Zeka dhe menagjerin kryesor Nexhmedin Zeka.

Shpend Ahmeti
29 Janar 2012

Shperndaje Kete

Kuçi humb betejen në Sllovaki

artanverbica — Sat, 28 Jan 2012 18:35:59 +0000

Trnava, Sllovaki, 27 Janar 2012 – Jetmir Kuçi ka humbur betejen e tij në Sllovaki ndaj hungarezit Istvan Szili. Kuçi meçin e filloi mirë ku kishte avantazh në dy raundet e para, por në raund të tretë gjyqëtari në ring filloi të mos e lej boksierin tonë të boksoj siç din, duke e ndërprerë shumë herë. Kjo u pa që Kuçi do të ketë vështirë, ku në fund të raundit të tretë i dha një vërejtje publike për shkak të uljes së kokës, ndërsa Kuçi i revoltuar me gjyqëtarin mori edhe një vërejtje ku më pastaj pas dy vërejtjeve Kuçi dorëzoi meçin ku e kishte të vështirë më tej. Më shumë rreth këtij meçi do t`ju japim në ditët në vijim. Kjo është humbja e parë e Kuçit në boksin profesionist, ndërsa Szili merr fitoren e 14-të në poaq meçe.

Kosovaboxing.org
28 Janar 2012

Shperndaje Kete

Kuçi 72.4 kg, Szili 72.4 kg

artanverbica — Fri, 27 Jan 2012 13:31:52 +0000

Mbrëmë në Trnava të Sllovakisë janë mbajtur peshimet zyrtare para ndeshjes së sontme ndërmjet Jetmir Kuçit dhe hungarezit Istvan Szili. I pari në matje doli boksieri ynë i cili doli në limitin e kategorisë së mesme, 72.400 gram. Pas tij në peshore u ngjit Istvan Szili i cili rezultoi njësoj sa edhe Kuçi, 72.400 gram. Ky meç pritet me interesim të madh sonte i cili do të zhvillohet rreth orës 20:00 të kohës sonë. Në shoqërimin e Jetmir Kuçit gjendet boksieri i mirënjohur nga Klubi i boksit Tirana, Fatjon Sorra. Ai poashtu na ka dërguar disa foto amatore nga matjet zyrtare që për shikuesit tanë janë të mirëseardhura. Kuçi deri më tani ka zhvilluar 6 meçe profesioniste ku ka shënuar 6 fitore (4 KO). Kjo do të jetë përballja e tij më e vështirë deri më tani pasi Szili ka 13 meçe, të gjitha fitore (5 KO).

Kosova Boxing nepërmjet lidhjes telefonike kontaktoi të dy boksierët duke marrë opinionin e tyre para përballjes. “Besoj në përvojën time të gjatë në boksin amator dhe tash profesionist. Kjo do të jetë arma ime më e fortë sonte, deri sa këtë ofertë e kam marrë pak ditë më parë. Nuk kam pasur kohë të mjaftueshme të analizoj kundërshtarin, as për të bërë përgaditje speciale. Bazohem te përvoja ime ku besoj do të jetë triumfuese” theksoi Kuçi.

Istvan Szili poashtu deklaroi për Kosova Boxing se pret një përballje të fortë. “E njof Kuçin, jemi takuar në shumë kampionate evropiane dhe botërore. Në atë kohë unë boksoja në kategorinë e mesme ndërsa ai në kategorinë welter. Nuk jemi takuar asnjë herë, por mendoj se është kundërshtar i përshtatshëm për mua. E di që është boksier i mirë ku pres tetë raunde të forta dhe fitoren time të 14-të” theksoi Szili.

Jetmir Kuçi bokson me licencë profesioniste të Federatës Profesioniste të Kosovës. Realizues apo “matchmaker” i këtij meçi është Kosova Boxing Promotion.

Artan Vërbica
27 Janar 2012

Shperndaje Kete

Povetkin apo Huck fitues me 25 Shkurt ?

artanverbica — Wed, 25 Jan 2012 02:51:45 +0000

Dueli i shumë pritur ndërmjet kampionit botëror në versionin WBA në kategorinë e rënd Alexander Povetkin dhe kampionit botëror në versionin WBO në kategorinë kruzer Marco Huck, ditët e përballjes po afrohen. Ky meç që do të zhvillohet me 25 Shkurt në Porsche Arena në Stutgard do të jetë mjaft interesant sa i përket fituesit, sepse të dy boksier janë kalibër të mëdhenjë të boksit botëror. Po si do të duket meçi i parë i Marco Huck në kategorinë e rënd dhe atë të parin duke sfiduar titullin e kampionit botëror, kundër të pamposhturit Povektin i cili me vite nuk ka pësuar humbje, kjo do të shifet. A është ky gabim i Marco Huck ? Unë mendoj se po, sepse Huck është dasht të zhvillon një apo dy meçe në kategorinë e rënd për të parë veten se ku gjendet dhe si është kategoria e rënd. Ndërkohë Povetkin 23-0 (16 KO) apo Tigri i Bardh i Siberisë do të jetë vështirë të mposhtet dhe mendoj se Huck nuk e ka atë potencial.

Marco Huck beson se shpejtësia e tij do të jetë çelësi i triumfit. Ai ka mbrojtur titullin e kampionit versioni WBO plot tetë herë, ndërsa mendon se koha është për të shkuar përpara. “Dua të shkruhem në histori të boksit gjerman. Max Schmelling ka qenë kampioni i parë botëror dhe i vetmi, ndërsa unë do të jam i dyti gjerman që fitoj titullin e kampionit botëror. Unë e di se si do t`a fitoj Povetkin. Kam ushtruar shumë dhe e di se si do të mposhtet Povetkin, sepse jam shumë më i shpejt se ai” theksoi Huck për mediat gjermane.

Alexander Povetkin i cili mbrojti titullin e kampionit në Dhjetor të vitit të kaluar në Helsinki në Finlandë kundër Cedric Boswell, pret një duel të fortë me Marco Huck. “Shumë e respektoj Huckun. Ai është i shpejt dhe mjaft agresiv, por unë do të jam gati për shpejtësin e tij. Do të hyj në ring me top kondicionin tim dhe do të mbroj titullin tim” theksoi Povetkin.

Nga lajmet e fundit nga kampi i Povetkin, mësohet se Povetkin do të jetë pa trainerin legjendar Teddy Atlas në këtë meç. Arsyet janë se Atlas ka kontratë me televizionin ESPN dhe do të respektoj atë në fund, ndërsa Povetkin ka zgjedhur vendin e ushtrimeve Rusinë, ndërsa Atlas ka refuzuar të shkoj atje dhe i ka thënë të vij në SHBA për përgaditje, ndërsa Povetkin nuk ka dashur dhe kjo i ka shtyrë deri te ndarja e dyve. Se si do të duket Povetkin pa Atlas do të shofim, mirëpo Atlas ka shumë merita për sukseset e fundit të Povetkin. “I kam thanë Sashës të vije në SHBA. Unë kam pritur që ai të më ndëgjoj dhe të ketë si obligim, por ai zgjedhi rrugën tjeter, ku jam shumë i dëshpruar” theksoi Atlas.

Artan Vërbica
25 Janar 2012

Shperndaje Kete

Jetmir Kuçi kundër Istvan Szili me 27 Janar

artanverbica — Sat, 21 Jan 2012 20:00:49 +0000

Boksieri ynë i mirënjohur Jetmir Kuçi do të mat forcat me boksierin perspektiv hungarez Istvan Szili me 27 Janar në qytetin Trnava në Sllovaki. Ky meç do të jetë i pari i boksierit tonë për këtë vit. Kuçi deri më tani ka zhvilluar 6 meçe profesioniste duke shënuar të gjitha fitore, me bilanc prej 6-0 (4 KO). Ndërsa hungarezi Istvan Szili ka 13 meçe, ku ka shënuar të gjitha fitore me bilanc 13-0 (5 KO). Pra do të jetë një meç i të pamposhturve. Ky meç do të zhvillohet në 8 raunde, ndërsa epërsia e Szili do të jetë ringu vendas, mirëpo Kuçi në Sllovaki udhëton për fitore. Deri më tani Szili ka fituar disa boksier të njohur duke e radhitur atë në më të mirin NR1 nga 25 boksierët hungarez në kategorinë e mesme, dhe radhitet i 81-ti nga boxrec.com në ranglistën botërore, por kur kemi parasysh kualitetet e Kuçit në boksin amator dhe atë profesionale, gjasat janë reale që Kuçi të dal fitues. Boksieri ynë i njohur në boksin amator Naim Terbunja në vitin 2007 në turneun i njohur “Grand Prix në Ostrava” e pat mposhtur bindshëm 33-20, dhe shpresojmë njejtë edhe Kuçi ta mposht me 27 Janar. Këtë meç dhe këtë sfidë e arriti të zhvilloj kryeredaktori i Kosova Boxing, Artan Vërbica.

Kosova Boxing krahas agjencionit të lajmeve, funksionon edhe si organizatë promovuese e regjistruar në Ministrinë e Tregtisë dhe e regjistruar në Federatën e Boksit Profesionit të Kosovës. Poashtu Jetmir Kuçi posedon licencën profesioniste të FboxprofK-së ku do ta përfaqëson Kosovën dhe Shqipërinë në këtë duel. Një meritë për këtë i shkon edhe menaxherit kryesor të FboxprofK-së, Nexhmedin Zeka i cili ka ndihmuar që Kuçi të pajiset me lecencën tonë dhe poashtu është mbështetës i madh i boksit të Kosovës, në shumë aspekte.

Kosovaboxing.org
21 Janar 2012

Shperndaje Kete