Faruk Shabani dorëzon luftën për shkak të lëndimit !
2 min readSport Palace Yunost, Zaporozhye, Ukrainë, 19.12.2009 – Faruk Shabani ka pësuar humbjen e dytë në karierë. Ai mbrëmë humbi nga Zaurbek Baysangurov me dorëzim në raund të pestë. Shabani nisi luftën mirë ku raundin e parë e mbylli në favor të tij por në tre raundet tjerë i takuan boksierit nga Rusia me preardhje nga Ceçenia.
Në një ambient madhështor të organizuar nga “K2 East Promotion” që promovohet nga vëllezërit Klitschko për shtetet ish-Sovjetike, ku nuk mungoi edhe prezenca e presidentit të Ceçenisë, Ramazan Kadirov i cili është pasionant i madh i boksit por edhe mik i vëllezërve Klitschko.
Shabani i cili ka zhvilluar katër ndeshje këtë vit, ku dy i ka fituar ndërsa dy i ka humbur është ndalur nga kampioni “WBA-Intercontinental” dhe i rankuari lartë në versionet EBU #1, WBA #7, WBC #12. Boksieri nga Prishtina ka kohë që ka problem me dorën e djathtë dhe ky lëndim i ka sjellur edhe humbjen e parë nga Italiani, Leonard Bundu në muajin Qershor të këtij viti. Nga kjo humbje që ka pësuar janë prishur marrdhënjet me klubin e tij të deritashëm Saurland Event. Ata e kanë kritikuar për humbjen e pësuar gjatë kësaj vere. Boksieri ynë i rikthye me një fitore tetë raundëshe por mbikqyrja e kampit nga Berlini nuk vazhdoi siç ishte më pare dhe ai detyrohet të luftoj në Ukrainë ku prapë i shfaqet lëndimi i njejtë ku Shabani nuk i ishte i denjë për këtë luftë. Nga presioni i klubit të mëparshëm dhe mospërkrahaja ai pëson humbjen e dytë.
Mbetemi me shpresë se boksieri ynë do të rikthehet aty ku u gjend më parë në ranklistat europiane dhe botërore dhe besojmë që Shabani të gjejë qetësinë, forcën dhe sanimin e lëndimit për tu rikthyer sa më parë në majen e boksit botërorë. Ai mbetet shpresë e madhe e boksit shqiptar ku rezultate kulminante të këtij boksieri nuk do të mungojnë në të ardhmen.
Artan Vërbica
19 Dhjetor 2009