Dardan Morina kundër Lorand Sachs me 7 Dhjetor
1 min readKikboksieri shqiptar Dardan Morina do të sfidon titullin ISKA/WKU në konkurrencën thai-box me 7 Dhjetor në Berlin të Gjermanisë. Morina kampion aktual në versionin WKA/IMC do të mundohet që të rrëmbej edhe një titull atë të versionit ISKA dhe WKU të cilët janë pronë e gjermanit Lorand Sachs.
“Dardani është duke u përgatitur si kurr më parë. Kësaj radhe kemi një kundërshtar mjaft të fortë por shpresojmë të dalim fitues” theksoi përfaqësuesi i Morinës, Fitim Gashi për kosovaboxing.org.
Dardan Morina është pjesë e klubit “Steko Fight Night” të vëllezërve Steko. Që nga vdekja e legjendës Besim Kabashi vëllezërit Steko angazhuan Dardan Morinën për të përmbushur sado pak zbrastësirën që e kishte lënë Kabashi. Morina deri më tani është dëshmuar mjaft mirë dhe karriera e tij ka vetëm ngritje.
Dueli Morina dhe Sachs do të jetë meçi i tretë në parameç të Christine Theis dhe Sanja Samardzic. Ky meç do të transmetohet drejtpërdrejt nga televizioni i Gjermanisë SAT 1.
Përgatiti:
Artan Vërbica
24 Nëntor 2012