Njëri ndër boksierët më të mirë në ditët e sotme në botë, kampioni i botës në kategorinë velter në versionin WBO, Terence Crawford do të mbroj titullin e botës kundër sfiduesit nga Britania e Madhe, ish-kampionit të botës Amir Khan. Përballja do të zhvillohet këtë shtune në Madison Square Garden në New York.

Crawford (34-0, 25 KO) pritet edhe pas kësaj përballje të mbetët i pamposhtur. Ai deri më tani ka arritur të gjithë ti mposht dhe këtë pritet ta bëjë edhe kundër Khan (33-4-0, 20 KO). Sipas parashikimit tonë Crawford do të triumfoj me nokaut duke ditur fuqinë dhe formën e amerikanit e cila vazhdimisht ka pasur ngritje, ndërsa Khan ka pasur mjaft luhatje.

Në parameç të Crawford dhe Khan do të boksoj edhe boksieri ynë Edis Tatli. Tatli do të ketë meç në dhjetë raunde kundër Teofimo Lopez.

www.kosovaboxing.org / 17 prill 2019